भारतकी अम्माको निधनमा एक दिन राष्ट्रिय शोक
प्रकाशित मिति : मंसिर २१, २०७३ मंगलबार
आईरन लेडी जय ललिताको निधनमा भारत सरकारले मंगलबार राष्ट्रिय शोकको घोषणा गरेको छ । तमिलनाडुकी सीएम जय ललिता भारतकी एक प्रभावशाली महिला राजनितिज्ञ हुन् ।
लामो समय अस्वस्थ्य भएपछि सोमाबार राती अस्पतामा उनको निधन भएको हो । उनको श्रदान्जलीमा राष्ट्रपती भवनमा रहेको झण्डा दिनभर झुकाईने घोषणा सरकारले गरेको छ । तमिलनाडुमा भने ७ दिन राजकिय शोक घोेषणा गरिएको छ । सन् १९४८ मा उनको जन्म भएको थियो । भारतिय राजनितिमा यिनलाई क्रान्तिकारी अम्मा भनेर चिनिन्छ । उनी ६ पटक सम्म मुख्यमन्त्री भएकी थिईन् ।
उनको निधनमा भारतका विभिन्न राज्यमा शोक सभा भईरहेका छन् । अम्माको निधनमा भावव्ह्विल भएकाहरु राजाजी हल अगाडी भेला भएका छन् । उनको पार्थिव शरिर राजाजी हलमा राखिएको छ । उनको आजै दाहसंस्कार गरिने छ ।
उनको निधन प्रति भारतीय राष्ट्रपति प्रणव मुखर्जी र प्रधानमन्त्री नरेन्द्र मोदीले गहिरो दुख व्यक्त गरेका छन्।
मोदीले जय ललिताले महिला, गरिव र उत्पीडनमा परेका समुदायका लागि देखाएको चासोका कारण उनी सधैँ प्रेरणाको श्रोत हुने बताए।
जयललिताका सबैभन्दा नजिक मानिने पनीरसेल्वमलाई तमिलनाडुको नयाँ मुख्यमन्त्रीमा राति नै नियुक्त गरिएको छ।
जनतामाझ निकै चर्चित रहेकी जय ललिताले दक्षिण भारतीय चलचित्रहरुमा अभिनय पनि गरेकी थिइन्।
उनका परिचितहरुले उनी वकिल बन्न चाहेको तर भाग्यले उनलाई पहिला अभिनयतिर र पछि राजनीतिमा धकेलेको बताउँन्।
तर यी दुवै क्षेत्रमा उनको यात्रा सहज थिएन। १ सय ४० वटा चलचित्रमा अभिनय गरेकी उनले ८ पटक विधानसभाको चुनावमा लडेकी थिइन्।
त्यस्तै एकपटक राज्यसभामा मनोनित भएकी उनी तमिलनाडुमा ४ पटक मुख्यमन्त्री बनिन्।
जय ललितालाई धेरैले श्रद्धा गर्ने भए पनि उनका आलोचकहरुले भने उनमा घमण्डीपना भएको बताउँथे।
सन् २०१४ मा जय ललितालाई भ्रष्टाचार मुद्दामा दोषी ठहर गरिएको थियो तर पछि उनले सफाइ पाएपछि उनी मुख्यमन्त्रीकै रुपमा फर्किएकी थिइन्।