Follow @khasokhasmag

मेक्सिकोको पर्यटकीयस्थलमा गोली प्रहार, ६ जनाको मृत्यु


प्रकाशित मिति : आश्विन २, २०७५ मंगलबार

मेक्सिको सिटीको गारीबाल्डी प्लाजामा भएको गोलीकाण्डमा थप एक व्यक्तिको मृत्यु भएको छ । सो क्षेत्रमा मृत्यु हुनेको सङ्ख्या छ पुगेको सुरक्षा अधिकारीहरुले बताएका छन् ।

मेक्सिको सिटीको महान्यायाधीवक्ताको कार्यालयका अनुसार मारिएका छैठौँ व्यक्ति ३२ वर्षीय पुरुष रहेका छन् ।

गत सेप्टेम्बर १४ मा मेक्सिकोको प्रख्यात पर्यटकीय प्लाजामा उक्त गोलीकाण्ड भएको थियो । त्यस गोली प्रहारमा यी व्यक्ति पनि गोली लागेर घाइते भएका थिए । अस्पतालमा उपचारको क्रममा उनको सोमबार मृत्यु भएको हो ।

मेक्सिको सहरको ऐतिहासिक केन्द्रनजिक रहेको बारलाई लक्षित गर्दै गायकको पोशाकमा रहेका एक बन्दुकधारीले अन्धाधुन्ध गोली प्रहार गरेका थिए ।

महान्यायाधीवक्ता एडमुन्डो गारिडोले लागूऔषध ओसारपसार गर्ने व्यक्तिहरुबीचको झगडाका कारण गोली चलेको अनुसन्धानबाट देखिएको स्थानीय सञ्चार माध्यमलाई बताए ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com