ब्वाइफ्रेण्डलाई छोरा हेर्न भनी अफिस गइन्, आउँदा बच्चा मृत, पुलिसले आमालाई नै पक्रेपछि…
प्रकाशित मिति : आश्विन १, २०७५ सोमबार
अमेरिकामा एक आमाले आफ्नो २ वर्षको छोरालाई ब्वाइफ्रेण्डको जिम्मामा घरमा छोडेर अफिस गइन् । घरमा बच्चाको हेरचाह उनका ब्वाइफ्रेण्डले गरिरहेका थिए । तर, जब उनी घर फर्किन् छाराको ज्यान गइसकेको थियो । महिलाले तत्कालै आकस्मिक सेवामा खबर गरिन् । जब पुलिस घरमा पुग्यो बच्चा मृत अवस्थामा भेटिए । घटनाले नयाँ मोड तब लियो जब आमाको उजुरीमा पुगेको पुलिसले आमालाई नै पक्राउ गर्यो । आमाले सुनाएको कहानी झटो थियो र आमा नै बच्चाकी हत्यारा थिइन् ।
घटना फ्लोरिडाको अरल्याण्डो शहरको हो । यहाँ २४ वर्षकी भिक्टोरिया टोथले इमरजेन्सी सर्भिसका आफ्नो छोरा जेसीको सास नचलेको खबर गरेकी थिइन् । टोथले बच्चालाई ब्वाइफ्रेण्डको जिम्मामा छोडेर गएको र आफू फर्किंदा बच्चाको सास नचलेको बताइन् । टोथको उजुरीपछि जब पुलिस र मेडिकल टिम घरमा पुग्यो बच्चा बेडमा थिए । उनको मृत्यु भइसकेको थियो र उनी कुपोषणका शिकार थिए ।
त्यसपछि जब पुलिसले घरको जाँच गर्यो उनीहरुलाई घटना त्यति सामान्य लागेन जति सामान्य देखाउन खोजिएको थियो । उनहिरुले घरमा कैयौं अहम सबुत प्रमाण भेटेका थिए । पुलिसका अनुसार जेसीको बेडरुमको ट्वाइलेट सिट भाँचिएको थियो । यस्तो देखिन्थ्यो कि त्यो भर्खरै भएको झगडामा भाँचिएको थियो । डाक्६रले जेसीको जाँच गर्दा उनलाई यातना दिइएको पाइयो । उनको पेटमा हात वा केही चीजले प्रहार गरिएको थियो जसका कारण उनको शरीरका भित्री अंग क्षतिग्रस्त भएका थिए ।
डाक्टरको कुरापछि पुलिसलाई लाग्यो कि जेसीलाई नोक्सान पुर्याउने क्रममा नै बाथरुम भत्किएको थियो । उनीहरुको शंका सही निस्कियो । त्यसपछि पुलिसले आमा टोथीलाई बच्चाको निर्मम हत्या गरेको आरोपमा पक्राउ गर्यो । पुलिसका अनुसार टोथीले केही दिनअघिदेखि नै बच्चालाई यातना दिँदा बच्चा कोमामा थिए तर उनले डाक्टरलाई देखाइनन् । पछि फस्ने डरले उनले पुलिसलाई खबर गरेर झुटो कहानी सुनाएकी थिइन् ।