शहिद स्मारक तोडिएकोप्रति आपत्ति

प्रकाशित मिति : मंसिर १७, २०७३ शुक्रबार

बुटवल । प्रदेश नं ५ सिमाकंन हेरफेरको प्रस्तावविरुद्ध भएको आन्दोलनमा विहीबार बुटवलको पुष्पलालपार्कमा रहको शहिद स्मारक तोडिएकोप्रति नेकपा माओवादी केन्द्रले आपत्ति जनाएको छ ।

नेकपा माओवादी केन्द्रका पोलिटब्यूरो सदस्य तथा रुपन्देही जिल्ला संयोजक रामप्रसाद बन्जाडे (टंकमणी) ले एक विज्ञप्ति जारी गर्दै शहिद स्मारक तोडिएकोप्रति गम्भीर आपत्ति प्रकट गर्नुभएको हो । विज्ञप्तिमा भनिएको छ— शान्तिपूर्वक आन्दोलन गर्न पाउने जनताको अधिकार भएपनि सार्वजनिक सम्पतिको क्षेति पु¥याउनु निन्दनीय कार्य हो । सहिद स्मारक तोडेर शहिदको अपमान गरिएको भन्दै विज्ञप्तिमा यस्ता पत्रकारका उदण्ड र हर्कत नगर्न आन्दोलनको नेतृत्व गर्नेलाई चेतावनी दिइएको छ ।

यसैबीच महान शहिद परिवार नेपालका केन्द्रीय सदस्य तथा रुपन्देही संयोजक शिवप्रसाद घिमिरेले पनि एक विज्ञप्ति प्रकाशित गर्दै घटनाको घोर भ्रत्सना गर्नुभएको छ । विज्ञप्तिमा भनिएको छ—उदण्ड समूहको यो हर्कत कुनै मूल्यमा क्षम्य छैन, दोषीलाई कारवाही गरिनुपर्छ ।

बिहिवार भएको आन्दोलनमा नेतृत्व कस्को हो भन्ने नखुलाइएको भएपनि विभिन्न दल समर्थित विद्यार्थीहरु तथा युवा नेताहरु अग्रपंत्तिमा देखिन्थे । तर एमाले तथा कांगे्रेसका नेताले आफ्ना कार्यकर्ताबाट तोडफोड नभएको दावी गरेका छन् । आन्दोलनकारीले नेकपा माओवादी (विप्लप) समूहको कार्यालयमा पनि तोडफोडको प्रयास गरेका थिए ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com