डिभी परेपछि भिसा पाउने नेपालीको संख्या पछिल्लो महिना यो बर्षकै कम

डिभी परेपछि अमेरिकाको भिसा पाउने नेपालीहरुको संख्या पछिल्लो महिनामा ह्वात्तै घटेको छ । आर्थिक बर्ष २०१८ का ९ महिनाको तुलनामा जुलाईमा डिभी लोटरी परेर अमेरिकाको भिसा पाउने नेपालीहरुको संख्या सबैभन्दा कम रहेको छ ।

अमेरिकी सरकारको विदेशमन्त्रालयको तथ्यांक अनुशार जुलाईमा जम्मा १२१ जना डिभी विजेताहरुले अमेरिकाको भिसा पाएका थिए । गत अक्टोबरमा आर्थिक बर्ष २०१८ सुरु भएयता कुनै पनि महिनामा यति थोरै नेपालीहरुले भिसा पाएका थिएनन् ।

आर्थिक बर्ष २०१८ को पहिलो महिना अक्टोबरमा १५७ जना, नोभेम्बरमा १४७ जना, डिसेम्बरमा पनि १४७ जना, जनबरीमा १४५ जना, फरबरीमा १४२ जना, मार्चमा १६५ जना, अप्रिलमा १४४ जना र जुनमा १६१ जना प्राथमिक डिभी विजेताहरुले अमेरिकाको भिसा पाएका थिए । त्यो बाहेक उनीहरुका दम्पत्ति र बच्चाबच्चीले पनि भिसा पाएका थिए ।

आर्थिक बर्ष सन् २०१८ को १० महिनामा प्राथमिक डिभी विजेता र उनीहरुका परिवारका सदस्यहरुसहित जम्मा २८३८ जनाले अमेरिकाको भिसा पाएका छन् । जसमा भिसा पाउने प्राथमिक विजेताहरु जम्मा १३२९ जना रहेका छन् । जबकी आर्थिक बर्ष २०१८ का लागि डिभी पार्ने नेपालीहरुको संख्या ४०९७ रहेको थियो ।

सन् २०१८ का लागि डिभी विजेताहरुले यो सेप्टेम्बर महिनाभर भिसा पाउनेछन् भने सेप्टेम्बरभित्र भिसा नपाउनेहरु डिभी परेपनि अमेरिका आउन अयोग्य हुनेछन् । २०१८ का लागि कुल डिभी पार्ने प्राथमिक विजेताहरु ४०९७ मध्ये झण्डै १५ सय प्राथमिक विजेताहरुलेमात्र भिसा पाउने निश्चितप्राय रहेको छ ।

शनिबार, भदौ २३, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री