Follow @khasokhasmag

फेसबुक स्टाटसका कारण रोकियो युएससीआईएस उप निर्देशकको नियुक्ती


प्रकाशित मिति : भाद्र १७, २०७५ आईतबार

फेसबुक स्टाटसका कारण युएससीआईएसमा उप निर्देशकमा नियुक्त हुन लागेका पूर्व बिगे्रडियर जनरलले नियुक्ती गुमाएका छन् । उनलाई सेप्टेम्बरदेखि काम गर्नेगरी युएससीआईएसको उप निर्देशक पदमा नियुक्त गर्न लागिएको थियो ।

गाय सैंड्स पिंगोट नामका ती अधिकारीले विगतका पोष्ट गरेका मुस्लिम विरोधी फेसबुक स्टाटसहरु संचारमाध्यममा आएपछि उनको नियुक्ती रोकिएको हो । उनले दुईबर्ष अगाडिको फेसबुक स्टाटसमा इस्लामलाई नाजी पार्टीसँग तुलना गरेका थिए । साथै उनले मुस्लिम विरोध लेखहरु पनि फेसबुकमा पोष्ट गरेका थिए ।

युएससीआईएसका प्रवक्तालाई उनलाई अब नियुक्त नगरिने प्रष्ट पारेका छन् । यद्यपी विगतमा पोष्ट गरिएका मुस्मिल विरोध पोष्टहरु भने सार्वजनिक रुपमा उपलब्ध छैनन् ।

उनलाई युएससीआईएसमा हालै सृजना गरिएको नागरिकता खोस्ने युनिटको रेखदेखको समेत जिम्मा दिनेगरी ल्याउन खोजिएको थियो । उक्त युनिटले झुठो विवरण पेश गरेर अमेरिकी नागरिकता लिनेहरुको नागरिकता खोस्ने अभियान चलाइरहेको छ ।

सैंड्स पिंगोटले अमेरिकी सेनामा झण्डै २८ बर्षसम्म काम गरेका थिए । जगेडा सेनाका प्रमुखकको कार्यालयमा उनले निर्देशकका रुपमा समेत काम गरेका थिए ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com