Follow @khasokhasmag

सुजताको उपचारमा ५० लाख दिने मन्त्रिपरिषद्को निर्णय


प्रकाशित मिति : कार्तिक २८, २०७३ आईतबार

आइतबार अपरान्ह बसेको मन्त्रिपरिषद्को बैठकले नेपाली कांग्रेस नेतृ सुजाता कोइरालालाई उपचार खर्चवापत् ५० लाख रुपैयाँ दिने निर्णय गरेको छ।स्तन क्यान्सर पीडित कोइरलाको सिंगापुरमा उपचार भइरहेको छ। उनी उपचार गर्न आइतबार नै सिंगापुर पुगेकी छिन। मन्त्रिपरिषद् बैठकले एसियाली विकास बैंकबाट प्राप्त हुने २ अर्ब सहयोग रकम स्वीकार गर्ने निर्णयसमेत गरेको सूचना तथा संचारमन्त्री राम कार्कीले जानकारी दिए।

बैठकले भूकम्पपछि बिस्थापित भएको शान्ति तथा निशस्त्रिकरण सम्बन्धि एसिया कार्यालय स्थापनाका लागि एक लाख ११ हजार ६ सय ८५ हजार डलर रकम छुट्याएको छ। बैठकपछि सञ्चारकर्मीहरुसँग कुरा सञ्चारमन्त्री कार्कीले कार्यालय स्थापनाका लागि नेपाल सरकारले आर्थिक सहयोग गरेको जानकारी दिए।

उनले एशियाली विकास बैंकले सौर्य उर्जामार्फत उर्जा संकट निवारणका लागि विश्व बैंकले अनुदानस्वरुप दिने २ अर्ब १२ करोड रुपैयाँ लिनका लागि वार्ता गर्न अर्थमन्त्रालयलाई जिम्मेवारी दिएको समेत उल्लेख गरे। बैठकले जनता आवास कार्यान्वयन कार्यक्रम र राष्ट्रिय शहरी विकास रणनीतिक प्रस्तावलाई थप छलफलका लागि मन्त्रिपरिषद अन्र्तगतको आर्थिक पूर्वाधार समितिमा पठाउने निर्णय समेत गरेको छ।

बैठकले भौतिक योजना मन्त्रालयका विभिन्न पदमा नयाँ दरवन्दी थप गर्ने निर्णय गरेको छ। बैठकमा संविधान संसोधनका बारेमा छलफल भएपनि कुनै निर्णय नभएको मन्त्री कार्कीले जनाए। सबै पक्षसँग सहमति भएपछि मात्र संविधान संसोधन प्रस्ताव दर्ता गर्ने सरकारको रणनीति अनुसार सबै पक्षसँग छलफलको प्रयास जारी रहेको उनको भनाई थियो।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com