यी हुनेछन् ट्रम्पका सम्भावित ‘सारथी’

प्रकाशित मिति : कार्तिक २७, २०७३ शनिबार

अमेरिकाका ४५ औं राष्ट्रपतिमा डोनाल्ड ट्रम्प निर्वाचित भएपछि अब उनको सरकारमा को–को समावेश हुनेछन् भन्नेमा धेरै मानिसहरुमा कौतुहलता जागेको छ । आउँदा केहिदिन भित्र ट्रम्पले मन्त्रिपरिषद् गठन गर्नेछन् । विश्व समुदायले चासो राखेको विषय हो–ट्रम्पको मन्त्रिपरिषदमा को को रहलान् ?

तर धेरैलाई ट्रम्पको चुनावी अभियानका क्रममा साथ दिएका सहयोगीहरुलाई उनको क्याबिनेट सदस्यको रुपमा हेरिएको छ ।
ट्रम्पका ती सम्भावित सारथी यसप्रकार हुने समाचार संस्था बीबीसीले जनाएको छ ।

न्युट गिङरिच, विदेश मन्त्री

अमेरिकाको विदेशमन्त्रीमा न्युट गिङरिचको सम्भावना रहेको बताइएको छ । सन् १९९४ को अमेरिकाको तल्लो सदनको चुनावमा बहुमत ल्याउन गिङरिचको ठुलो भुमिका रहेको बताइएको छ । उनी १९९५ मा अमेरिकाको तल्लो सदनको ५० औं सभामुख बनेका थिए । तर उनले अनुशासन उल्लंघन गरेको आरोपमा सभामुख पद त्यागेका थिए । २०११ मा राष्ट्रपतिको उमेदवार बन्ने दौडमा समेत थिए । उनी सीमा सुरक्षा र अध्ययनसम्वन्धी कडा नीति र गेष्ट वर्कर कार्यक्रमका पक्षपाति भएको बताइएको छ । जसअनुसार अमेरिकामा गएर विदेशीहरुले काम गर्न त पाउँछन् तर नागरिकता पाउने छैनन् ।

रुडी जुलियानी, महान्यायधिवक्ता

रुडी जुलियानी ट्रम्पका अति नै नजिकका सहयात्री भएको बताइएको छ । उनी ट्वीन टावरमाथि हमला भएका बेला न्यूयोर्क शहरको मेयर थिए । न्यु योर्कको महान्यायधिवक्ता समेत रहेका जुलियानीले २००८ मा रिपब्लिकनको तर्फबाट राष्ट्रपतिको नोमिनेसनका लागि असफल प्रयास गरेका थिए ।

रेइन्स प्रिबुस, चिफ अफ स्टाफ

४४ वर्षका प्रिबुसलाई चिफ अफ स्टाफ हुने ब्यापक सम्भावानाका रुपमा हेरिएको छ । उनी रिपब्लिकन पार्टीको नेशनल कमिटी चेयरम्यान समेत हुन् । प्रिबुसले पार्टी र ट्रम्पलाई जोड्न कोशिस गरेका थिए । उनी अमेरिकाको तल्लो संसद् पउल रायनका नजिक रहेको बताइएको छ ।

क्रिस क्रिष्टी, वाणिज्य मन्त्री

क्रिस क्रिष्टी न्युजर्सी राज्यका गभर्नर हुन् । प्राइमरिको चुनावमा ट्रम्पसँगै राष्ट्रपतिको प्रतिस्पर्धी रहेका क्रिष्टीले आफू असफल भएपछि ट्रम्पलाई सहयोग गरेका थिए । ५४ वर्षीय न्युयोर्क जोड्ने पुल बन्द गरेको स्क्यान्डलअन्र्तगत मेयरलाई दण्ड गरेर विवादित भएका थिए । क्याबिनेट सदस्य सिनेटले पारित गर्नुपर्ने भएकाले उक्त विवादका कारण उनी समस्यामा पर्न सक्ने बताइएको छ ।

जेफ सेसन्स, रक्षामन्त्री

उनी अलाबामा राज्यका सिनेटर हुन् र सम्भावित पेन्टागन प्रमुखको रुपमा हेरिएको छ । ६९ वर्षिय २००३ को इराक आक्रमणका समर्थक जसलाई ट्रम्पले भयानक तथा बेबकुफी काम भएको बताएका छन् । ओबामाले उनलाई स्मार्ट व्यक्ति भनेका थिए ।
उनी सिनेटको सशस्त्र सेवा समिति, न्यायीक समिति तथा बजेट समितिमा पनि थिए ।

माइकल फ्लान, राष्ट्रिय सुरक्षा सल्लाहकार

फ्लान अमेरिकाका सेवा निवृत्त लेफ्टिनेन्ट जेनरल हुन् । उनलाई सेनाका अन्य भेट्रान पूर्व सैन्य अफिसरहरुसँग जोड्न ट्रम्पलाई सहयोग गरेका थिए । इस्लामप्रति उनले राख्ने कडा बिचारका कारण उनलाई २०१२ देखि २०१४ सम्म डिफेन्स इल्टेलिजेन्स एजेन्सिको निर्देशकबाट हटाइएको बताइएको छ । चुनाव प्रचार अभियानका क्रममा ओबामाले इस्लामिक स्टेटविरुद्ध लिएको तरिकाप्रति तीब्र आलोचना गरेका थिए ।

स्टेफन म्नुचिन, वित्त मन्त्री

स्टेफन म्नुचिन ट्रम्पका वित्तीय सचिवका ा रुपमा काम गर्ने ब्यक्ति हुन् । उनलाई वित्त मन्त्री बनाउने प्रस्ताव ट्रम्पले उठाएको बताइएको छ । तर ट्रम्पका समर्थकले मन पराउने नपराउने अस्पष्ट रहेको बताइएको छ । ट्रम्पले जेपी मोर्गनका प्रमुख जेमीडिमोनलाई पनि प्रस्ताव गरेको तर उनको प्रतिक्रिया नआएको बताइएको छ ।बाह्रखरी

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com