Follow @khasokhasmag

नाङ्गो फोटो खिचाइसकेकी मेलेनिया अमेरिकाकी ‘फस्ट लेडी’


प्रकाशित मिति : कार्तिक २५, २०७३ बिहीबार

डोनाल्ड ट्रम्प अमेरिकाका नयाँ राष्ट्रपति चुनिएका छन् । उनकी पत्नी मेलेनिया अब फर्स्ट लेडी बन्नेछिन् । लन्जरी मोडल रहिसकेकी मेलेनिया डोनाल्ड भन्दा २४ वर्षले कान्छी हुन् । २१ वर्षअघि मेलेनियाले ट्रम्पकै बोइङमा ब्रिटिश म्यागेजिनका लागि उनले नाङ्गो फोटो खिचाएकी थिइन् । चुनावी अभियानका क्रममा यसै फोटोसुटलाई लिएर उनीमाथि आरोपको वर्षा भएको थियो।

मेलेनियाको जन्म स्लोभानियामा सन् १९७० मा भएको थियो । केबल १० वर्षको उमेरमा उनले अमेरिकाको नागरिकता लिएकी थिइन् । उनले १६ वर्षको उमेरदेखि मोडलिङ थालेकी थिइन् । मेलेनिया ट्रम्पकी तेस्री पत्नी हुन् । दुबैको पहिलो भेट न्यूयोर्कमा सन् १९९८ मा एक पार्टीमा भएको थियो । सन् १९९९ मा एक अन्तरवार्ताका क्रममा यी दुईबीचको प्रेमसम्बन्ध सार्वजनिक भएको थियो ।

उनीहरुले सन् २००४ मा बिहेको निर्णय गर्दै औँठी साटेका थिए । त्यसपछि सन् २२ जनवरी २००५ मा उनीहरुको बिहे भएको थियो । यी दुईबाट एकजना छोराको जन्म भएको छ । उनी अहिले १० वर्षका छन् । मेलेनियाकी आमा फेसनको दुनियाँसँग जोडिएकी थिइन् । १७ वर्षको उमेरमा फोटोग्राफर स्टेन जर्कोले मेलेनियालाई फोटोसुटको प्रस्ताव राखेका थिए ।

१८ वर्षको उमेरमा उनले इटालियन म्यागजिनबाट मोडलिङको यात्रा थालेकी थिइन् । मिलेनिया अहिले गहनार घडी डिजाइनिङको व्यापारमा संलग्न छिन् । उनले यो क्षेत्रमा धेरै सफलता पनि पाइसकेकी छन् ।

न्यूयोर्कको एक ट्याबलोइडले चुनावी अभियानका क्रममा मेलेनियाको पुरानो नाङ्गो फोटो छापेको थियो । फोटो क्याप्सनमा लेखिएको थियो, ‘आफ्ना सम्भावित फर्स्ट लेडीको तस्बिर यसअघि कहिले देख्नु भएको थिएन होला । केही प्रष्ट नबुझिने छन्, केही भने कहिल्यै छापिएका छैनन् ।’ यसको जवाफमा ट्रम्पले भनेका थिए, ‘यी तस्विरले ह्यूमन बडी आर्ट को बयान गर्छन् । यी त्यो बेलाका हुन्, जुन बेला म उनीसँग मिलेको पनि थिइनँ ।’

ट्रम्पले त्यो बेला आफ्नी पत्नी मेलेनियालाई एक सफल मोडलको संज्ञा दिएका थिए । ‘मेलेनियाले कयौं म्यागजिनको कभर फोटोसहित धेरै तस्विर खिचाएकी थिइन्’, उनले भनेका छन्, ‘यस्ता खालका तस्बिर धेरै फेसनेबल र साधारण हुने गर्दछन् ।’

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com