Follow @khasokhasmag

ट्रम्पलाई नेपाली अमेरिकनको बधाई


प्रकाशित मिति : कार्तिक २४, २०७३ बुधबार

अमेरिकाको ४५ औं राष्ट्रपतिमा डोनाल्ड ट्रम्प विजयी हुने निश्चित भएपछि अमेरिकामा रहेका ट्रम्प समर्थक नेपालीहरुले बधाई दिन सुरु गरेका छन् । ट्रम्प समर्थक नेपाली अमेरिकनहरुले सामाजिक सञ्जालहरुमार्फत बधाई दिन सुरु गरेका छन् ।

ट्रम्पको पक्षमा वकालत गर्दै आएका न्युयोर्क निवासी नेपाली अमेरिकन मिलन शाही आफ्नो फेसबुक स्टेटसमा लेख्छन् – ‘ल साथीहरु सबैलाई बधाई छ ।  यसमा कसैको जीत वा हार भन्दा पनि सबैको जीत हो भन्नुपर्दछ । अहिलेसम्म हामी जतिसुकै हिलारी या ट्रम्पको डम्फु बजाए पनि आ-आफ्नो अभिमत र स्वतन्तन्त्रताको सदुपयोग गरियो । यसमा एक अर्का प्रतिको कदर रहिरहनु पर्दछ । यसमा कसैको चित्त दुखाइ छैन । मतदान हो, एक जनाको बिजय त निश्चय नै हो । बिधिको बिधान ट्रम्पले जिते, आफूले चाहेको ब्यक्तिले जित्दा अवश्य नै खुशी छु । तर हिलारीलाई सपोर्ट गर्ने साथीहरुलाई पनि बधाई दिन चाहन्छु ।  अब रह्यो कुरो खेदिनु पर्ने । अप्रवासीहर द्वारा निर्मित देशमा हामी अप्रवासीहरु खेदिनु पर्ने छैन भन्नेमा ढुक्क छु । ओबामा कार्यकालदेखि वाक्क दिक्क भएर परिवर्तन र आगामी दिनहरु सहज र हाम्रा सन्ततीहरुको भबिष्य सुनिश्चित होस् भनेर ट्रम्पलाई रोजेको हो । ल बधाई छ रोजेको नेताले जितेकोमा ।’

डोनाल्ड ट्रम्प राष्ट्रपतिमा निर्वाचित भएपनि इलेक्टरहरुले औपचारिकरुपमा राष्ट्रपतिका लागि मतदान नगरेसम्म अमेरिकाको राष्ट्रपति औपचारिक रुपमा तय गरिदैन । इलेक्टरहरुले डिसेम्बरको तेश्रोसातातिर औपचारिकरुपमा राष्ट्रपतिका लागि मतदान गर्नेछन् भने जनवरीको पहिलो साता औपचारिक रुपमा मतगणना गरिनेछ । अमेरिकाको ४५ औं राष्ट्रपतिले सन् २०१७ को जनवरी २० मा पदभार ग्रहण गर्नेछन् ।

अमेरिकी चुनावमा मतदान गर्न योग्य अमेरिकीहरुले इलेक्टोरल मतका लागि इलेक्टरहरु छान्नका लागि अमेरिकी इलेक्टोरल कलेजका सदस्यहरुका लागि मतदान गर्दछन् । त्यस्ता इलेक्टरहरुले पहिले नै आफूले कुन उम्मेदवारका लागि मतदान गर्ने भन्ने सार्वजनिक गरिसकेका हुन्छन् । जनताबाट छानिएका इलेक्टरहरुले राष्ट्रपति र उपराष्ट्रपतिका लागि इलेक्टोरल मतदान गर्दछन् । मतदानपछि पूर्ण बहुमतप्राप्त उम्मेदवारलाई विजेता घोषणा गरिन्छ । जम्मा ५३८ इलेक्टोरल मतमध्ये विजेता हुनका लागि कम्तीमा २७० मतको आवश्यकता पर्छ ।

५० वटा राज्य र वासिंटन डिसीबाट जनसंख्याको अनुपातको आधारमा ५३८ इलेक्टोरल मतको तय गरिएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com