काठमाडौंको जडिबुटी क्षेत्र तनावग्रस्त, प्रहरीद्धारा वैकल्पिक बाटो प्रयोग गर्न आग्रह
प्रकाशित मिति : जेष्ठ ३०, २०७५ बुधबार
काठमाडौंको जडिबुटी अहिले तनावग्रस्त बनेको छ । बुधवार विकान टिपरले स्कुटरमा ठक्कर दिँदा एक महिलाको मृत्यु भए पछि सो क्षेत्र तनावग्रस्त बनेको हो ।
बा ४ ख ३५५८ नम्बरको टिपरले बा ७० प ९३९९ नम्बरको स्कुटीलाई ठक्कर दिँदा एक महिलाको मृत्यु भएको छ । स्कुटर चालक महिलाको घटनास्थलमै मृत्यु भएको प्रहरीले जनाएको छ ।
मृत्यु भएकी महिलाको सनाखत हुन सकेको छैन। आक्रोशित स्थानीयबासीले टिपरमा आगजनी गरेका छन्।
यसैबीच ट्राफिक प्रहरीले जडिबुटीमा भएको सडक दुर्घटनाको कारण पेप्सिकोला , कोटेश्वरबाट र लोकन्थलीबाट जडिबुटीतर्फ जाने सवारी साधनहरु प्रभावित भएकाले वैकल्पिक रुटको प्रयोग गर्न अनुरोध गरेको छ।