डा. उपेन्द्र देवकोटा बेलायतमा उपचार गराएर ६ महिनापछि फर्किए स्वदेश
प्रकाशित मिति : बैशाख १७, २०७५ सोमबार
वैशाख १७, काठमाडौं । – वरिष्ठ न्यूरो सर्जन डा. उपेन्द्र देवकोटा बेलायतमा उपचार गराएर ६ महिनापछि स्वदेश फर्किएका छन् । पित्त थैलीमा समस्या देखिएपछि डा. देवकोटालाई थप उपचारका लागि बेलायत लगिएको थियो ।
डा. देवकोटा आइतवार श्रीमती डा. मधु देवकोटासँगै आइतवार स्वदेश फर्किएका हुन् ।
बेलायतको लन्डनस्थित किङ्स कलेज अस्पतालमा उपचार गराएका डा. देवकोटाको स्वास्थ्यमा सुधार भएको पारिवारिक स्रोतले जनाएको छ ।
सफल न्यूरो सर्जनका रुपमा अन्तर्राष्ट्रियस्तरमै पहिचान बनाएका डा. देवकोटाले आफ्नो अध्ययन पनि बेलायतमै पूरा गरेका थिए ।
डा. देवकोटा बिरामी भएपछि उनको स्वास्थ्य लाभको कामना गर्दै बरिष्ठ प्रसूति रोग विशेषज्ञ डा. भोला रिजालको अगुवाइमा पशुपतिमा दीप प्रज्वलन गरिएको थियो ।