नवीना लामाले विवाह खर्च कटाएर मिर्गौला पीडितलाई गरिन्, १ लाख ५१ हजार १ सय ११ रुपैयाँ सहयोग
प्रकाशित मिति : बैशाख १३, २०७५ बिहीबार
वैशाख १३, काठमाडौं, – नेकपा एमाले निकट विद्यार्थी संगठन अनेरास्ववियुकी अध्यक्ष तथा प्रतिनिधिसभा सदस्य ९सांसद० नवीना लामाले आफ्नो विवाह खर्च कटाएर मिर्गौलासम्बन्धी रोगबाट पीडित व्यक्तिलाई सहयोग गरेकी छन् ।
लामाले आफ्नो विवाहको खर्च कटाएर दुवै मिर्गौला फेल भएर हाल वीर अस्पतालमा उपचाररत २५ वर्षीय प्रेम बगालेलाई १ लाख ५१ हजार १ सय ११ रुपैयाँ सहयोग गरेकी हुन् ।
दुवै मिर्गौला फेल भएका बगाले अनेरास्ववियुका पाल्पा जिल्ला कमिटी अध्यक्ष हुन् ।
अनेरास्ववियुकी अध्यक्ष लामाले विहीवार आफ्नो १४ वर्षदेखिको प्रेमलाई बिहीवार प्रेममा परिणत गरेकी छन् । नवीनाले आफ्ना प्रेमी अनेरास्ववियुकै पूर्व केन्द्रीय सदस्य प्रवीण श्रेष्ठसँगको लगनगाँठो कसेकी हुन् ।