बंगलादेशको ढाकाबाट हिँडेका दुईवटा यात्रु बस आज दिउँसो काठमाडौं आइपुग्ने
प्रकाशित मिति : बैशाख १३, २०७५ बिहीबार
वैशाख १३, बंगलादेशको राजधानी ढाकाबाट मंगलबार हिँडेका दुईवटा यात्रु बस आज दिउँसो काठमाडौं आइपुग्दैछन्।
बंगलादेश–भारत र नेपालबीच सीधा बससेवा परीक्षणका क्रममा ती बस नेपाल आएका हुन्। बस आज बिहान भरतपुरबाट काठमाडौंतर्फ लागेका अधिकारीहरुले बताएका छन्। बस दिउँसो काठमाडौं आइपुग्नेछन्।
नेपाल प्रवेशपछि बुधबार बसमा सवार तीन देशका अधिकारीलाई काँकडभिट्टास्थित अध्यागमन कार्यालयमा स्वागत गरिएको थियो। बसमा बंगलादेशका ३९, भारतका ११ र नेपालका सात गरी ५७ अधिकारी सवार छन्।
दिउँसो काठमाडौं आइपुगेको बस आज साँझ धुलिखेल पुग्ने छन्। बंगलादेश–भुटान–भारत र नेपालबीच सिधा यातायात सञ्चालन गर्ने १५ जुन २०१५ को बीबीआईएन सम्झौताअनुसार ढाकाबाट काठमाडौंका लागि बस सेवा सुरु भएको हो।