गीत सुन्ने विषयमा तुलसीपुर कारागारमा कैदीबीच झडप
प्रकाशित मिति : कार्तिक १, २०७३ सोमबार
दाङको तुलसीपुरस्थित कारागारमा कैदीबन्दीहरुबीच गीत भरिएको मेमोरी कार्डको विषयमा झडप भएको छ । मा एकजना विक थरका कैदीको टाउकोमा चोट लागेर घाइते भएका छन् ।
रमाइलो गर्न कस्को मेमोरी बचाउने भन्ने विषयबाट सुरु भएको भनाभन कैदी कैदीबीच हातहालाहालको अवस्थामा पुगेको कारागार प्रशासनले जनाएको छ ।गीत बजाउने विषयमा झडप भएपछि झडप गर्नेहरुमध्येका १२ जना कैदीहरुलाई अन्यत्र सरुवा गरिएको काराकारका सूचना अधिकारी रेश्मीराज अधिकारीले जानकारी दिए ।
कारागार व्यवस्थापन विभागको सिफारिसमा देशका विभिन्न स्थानमा रहेका पाँच कारागारमा उनीहरुलाई सारिएको हो । कारागार प्रशासनका अनुसार काठमाडौमा रहेको केन्द्रीय कारागार कार्यालयमा २, डिल्लीबजार कारागारमा २, ललितपुरको नख्खु कारागारमा १, मकवानपुरको भीमफेदी कारागारमा ४ र नवलपरासी कारागारमा ३ जनालाई सारिएको कारोबारमा खबर छ ।
झडपमा संलग्न सबै कैदीलाई कारागार ब्यवस्थापन विभागको निर्देशन अनुसार अन्यत्र सारिएको हो । तुलसीपुर कारागारमा क्षमताभन्दा बढी कैदीबन्दीहरु बस्दै आएका छन् । कारागारमा १ सय २५ जना कैदीबन्दी राख्ने क्षमता छ । तर हाल कारागारमा १ सय ९२ जना कैदीबन्दी रहेका छन् । कारागारमा १६ जना महिला र १ सय ७६ जना पुरुष कैदीबन्दी रहेका छन् ।