Follow @khasokhasmag

आइसल्याण्डकी सांसदले संसदमै बच्चालाई स्तनपान गराएपछि (भिडियो)


प्रकाशित मिति : आश्विन २९, २०७३ शनिबार

 

आइसल्याण्डकी एक सांसदले संसदमै आफ्नो नावालक शिशुलाई स्तनपान गराएकी छिन् । सांसद ब्रा कन्रस्ड्टायरले संसदमा बोलिरहँदा नवजात शिशुलाई स्तनपान गराएपनि संसदभने विना कुनै अवरोध संचालन भएको थियो ।

संसद चलिरहँदा विधयेकको बारेमा बोल्न अवस्था आएपछि स्तपान गराइरहेकी सांसदले बच्चालाई स्तनपान गराउँदै रोष्टममा पुगेर बोलेकी थिइन् ।

तीनबच्चाकी आमा रहेकी ती सांसदले भनिन् – ‘मैले बोल्नुपर्ला भनेर सोंचेकी थिइन । त्यसैले मैले बच्चालाई स्तनपान गराइरहेकी थिएँ । तर अचानक बोल्नुपर्ने अवस्था आयो । एकजना प्रतिनिधीले मैले अगाडि बढाएको प्रस्तावबारे प्रश्न उठाएपछि मैले जवाफ दिनुपर्ने अवस्था आयो । मैले मेरो शिशुलाई स्तनपानबाट छुटाएर रुवाउँदै अर्का सांसदको जिम्मा लगाएर बोल्न जानपनि सक्थें । तर मैले त्यसो गरिन ।’

भिडियोको लागि यहाँ क्लिक गर्न सक्नुहुनेछ । 

सांसद ब्रा कन्रस्ड्टायर आइसल्याण्डको पार्लियामेन्टमा जुडिसियल अफेयर्स र एजुकेशन कमिटिकी प्रमुख हुन् । उनले पछि एएफपीसँग कुरा गर्दै भनिन् स्तपान संसारमा सबैभन्दा प्राकृतिक चिज हो । यो अरु काम जस्तै हो ।

स्पेनमा यो बर्षको सुरुतिर एकजना सांसद क्यारोलिना बेस्कान्सालो पााच महिनाको छोरा डियगोलाई संसदमा स्तनपान गराउँदा तीब्र विरोधको सामना गर्नुपरेको थियो । उनको त्यो कदम महिला अधिकारका पक्षमा एउटा कदम थियो ।

विश्व आर्थिक मंचको सुचकांक अनुशार आइसल्याण्ड भने संसारमै महिलाका लागि राम्रो मध्येको देश सावित भएको छ । यो देशमा पुरुष र महिलाबीचको खाडल निकै कम रहेको छ । आयसल्याण्डको संसदमा ४१ प्रतिशत महिला छन् । तर अमेरिका र स्पेनको संसदमा भने क्रमश १५ र १९ प्रतिशतमात्र महिला छन् ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com