सुन्धाराको गुलाव मिठाइ पसलमा आगलागी, दुई जना घाइते
प्रकाशित मिति : चैत्र ७, २०७४ बुधबार
चैत ७, काठमाडौं । राजधानीको सुन्धारास्थित गुलाव मिठाइ पसलमा आगलागी हुँदा दुई जना घाइते भएका छन् । पसलभित्र रहेका उनीहरुलाई सुरक्षाकर्मीको टोलीले नियन्त्रणमा लिएको थियो ।
प्रारम्भिक रिपोर्टअनुसार विद्युत् सर्ट भएर आगलागी भएको हुन सक्ने आशंका गरिएको छ ।
आगलागी भएको घरको अन्डरग्राउण्डमा पार्किङ स्टोर रहेको बताइएको छ । त्यहाँ जेनेरेट, डिजेल, कोइला लगायतका सामग्री राखिएका थिए ।
आगलागी भएको पसल सीटीसी महल नजिकै रहेको छ । अहिले आगो नियन्त्रणमा लागि दमकल र सुरक्षाकर्मीको टोली खटिएको काठमाडौं प्रहरी परिसरका प्रवक्ता डीएसपी मोहन थापाले जानकारी दिए ।