भारतमा विमान दुर्घटनाग्रस्त
प्रकाशित मिति : चैत्र ६, २०७४ मंगलबार
चैत ६, नयाँ दिल्ली । भारतीय वायु सेनाको एउटा विमान मंगलबार दुर्घटनाग्रस्त भएको छ । पश्चिम बंगालको कलाईकुन्डा एयरबेसबाट उडान भरेको भारतीय वायुसेनाको हक विमान ओडिसा(झारखण्ड सीमा नजिकैक दुर्घटनाग्रस्त भएको हो ।
भारतीय वायु सेनालाई उधृत गर्दै प्रकाशित समाचार अनुसार विमान उडाइरहेका प्रशिक्षक पायलट सुरक्षितरुपमा बाहिर निकल्न सफल भएका छन् । यो विमान एक नियमित प्रशिक्षण उडानमा थियो ।
विमान दुर्घटनामा परेपछि कोर्ट अफ इन्काइरीको आदेश दिइएको छ। हक एक आधुनिक ट्रेनर विमान हो ।