Follow @khasokhasmag

सिरियामा एक बेलायती स्वयंसेविकाको मृत्यु


प्रकाशित मिति : चैत्र ५, २०७४ सोमबार

सिरियामा कार्यरत  एक बेलायती स्वयंसेविकाको युद्धका कारण मृत्यु भएको छ।

टर्की समर्थित सेनाले गरेको बमवर्षाका कारण गत मार्च १५ का दिन २६ वर्षीया अना क्याम्बेलको मृत्यु भएको हो।

क्याम्बेलको पिताले उनको मृत्यु भएको पुष्टि गरेका हुन्। उनका अनुसार आफ्नी छोरी निकै प्रतिभाशाली र सहयोगी मनको रहेकी थिइन्। युद्धमा शान्ति स्थापनाका खातिर जाँदा युद्धकै शिकार हुनु परेकोमा परिवारमा ठूलो चोट पुगेको पनि उनले बताए।

गत जनवरीदेखि सीमा विवादका कारण टर्कीले कुर्दिश लडाकुका सामू युद्ध गरिरहेको छ।

स्वयंसेविका अना क्याम्बेल बेलायत छँदा पलम्बरको रूपमा कार्यरत थिइन्। तर सिरिया युद्धका कारण विक्षिप्त बनेर उनी मानव सहायताका लागि गत वर्षको मे महिनामा सिरिया पुगेकी थिइन्।

पछिल्लो समय सिरियामा विदेशी निकायका कर्मचारी तथा स्वयंसेवकहरू पनि युद्धको मारमा परेका खबर बढेको छ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com