Follow @khasokhasmag

तलब नबढाउन माग गर्दै क्यानाडाका डाक्टरहरुले गरे आन्दोलन


प्रकाशित मिति : फाल्गुन २५, २०७४ शुक्रबार

फागुन २५, टोरन्टो । तलब बढाउन माग गर्दै आन्दोलन गरिएका समाचार प्रशस्तै आउने गर्छन् तर क्यानाडामा भने तलव नबढाउन माग गर्दै डाक्टरहरुले आन्दोलन थालेका छन्। ‘हामीलार्इ धेरै तलब दिइएको छ’ भन्दै करिव ५ सय डाक्टरहरुले तलव नबढाउन र बढाइएको तलव फिर्ता लग्न भन्दै आन्दोलन थालेका हुन्।

क्यानाडाको चिकित्सा महासंंघले डाक्टरहरुको तलव बृद्धि गरेको सुचना निकाले लगत्तै डाक्टरहरुले आन्दोलन थालेका हुन। ‘हामी डाक्टरहरु प्रभावकारी सार्वजानिक सेवा प्रर्णालीमा बिश्वास गर्छौ। तलव बृद्धिमा विश्वास गर्दैनौ।’ डाक्टरहरुले सार्वजानिक गरेको विज्ञप्तिमा जनाइएको छ।

अस्पतालमा काम गर्ने नर्सले दैनिक बढी काम गर्न परेको, बिरामीहरुले उपचार खर्चका लागी बढी संघर्ष गरिरहेकावेला क्यानाडास्थित चिकित्सा महासंघले डाक्टरहरुको तलव बढाएको भन्दै डाक्टरहरुले आन्दोलन गरेका हुन। ‘तलव बढाइएको बिषय बढी दुखदायी छ। हाम्रो अस्पतालहरुमा काम गर्ने नर्स, सहयोगीहरु तथा अन्य कर्मचारीले कामकालागी बढी संषर्ष गरेर थोरै पैसा पाइरहेका बेला हामी डाक्टरहरुका लागी बढाइएको तलव हाम्रा लागी अश्वीकार्य छ।’ ५ सय जना डाक्टर लगायत १ सय ७३ जना मेडिकल बिद्यार्थीले जारी गरेको विज्ञप्तिमा जनाइएको छ।

२ सय १३ जना जेनेरल प्रयाक्टिसियन, १ सय ८४ बिशषेज्ञ, १ सय ४९ मेडिकल डाक्टर र १ सय ६२ मेडिकलका विद्यार्थीले डाक्टरहरुका लागी बढाइएको तलव सरकार संयन्त्रमै फिर्ता पठाइनु पर्ने माग समेत गरेका छन्।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com