छुट्टाछुट्टै दुर्घटनामा एक जनाको मृत्यु, दुई जना घाइते
प्रकाशित मिति : फाल्गुन १२, २०७४ शनिबार
फागुन १२, धादिङ । आज धादिङमा भएका छुट्टाछुट्टै दुर्घटनामा एक जनाको मृत्यु भएको छ भने दुई जना घाइते भएका छन् ।
मुग्लिनबाट काठमाडौंतर्फ आउँदै गरेको ना ६ ख ९०७६ नम्बरको ट्रकले धादिङको गजुरी गाउँपालिकामा बा ८५ प ६२७२ नम्बरको मोटरसाइकललाई ठक्कर दिँदा मोटरसाइकल चालक कर्णबहादुर गुरुङको मृत्यु भएको हो ।
यस्तै, चितवनबाट काठमाडौं आउँदै गरेको लु १ ख ९६१७ नम्बरको ट्रकले बेनिघाट रोराङ गाउँपालिकामा बा ८० प ९९५९ नम्बरको मोटरसाइकललाई ठक्कर दिँदा दुई जना घाइते भएका छन् ।
घाइते बालविकास रावल र उमा सावदको मलेखुस्थित राजमार्ग सामुदायिक अस्पतालमा उपचार भइरहेको छ ।