न्युयोर्कमा ३० देशका कन्सुलेट जनरलमाझ नेपाली मम र सेलरोटी लोकप्रिय


प्रकाशित मिति : फाल्गुन ११, २०७४ शुक्रबार

न्युयोर्कमा गरिएको एउटा खाना महोत्सवमा सहभागीहरुले नेपाली खाना अत्याधिक रुचाएका छन् । उनीहरुले नेपाली मम र सेलरोटीका परिकारहरु रुचाएका हुन् । सहभागीहरुले नेपाली मम र सेलरोटीका परिकार अचार सहित निकै स्वादिलो मानेर खाएका थिए ।

महोत्सवमा न्युयोर्कमा रहेका विश्वका ३० देशका कन्सुलेट जनरलहरुका तर्फबाट सहभागीता रहेको थियो । कार्यक्रम न्युयोर्कमा रहेको कन्सुलेट जनरल अफ हंगेरीका तर्फबाट आयोजना गरिएको थियो । कार्यक्रममा ३० देशका खाना राखिनुका साथै संस्कृति झल्किने कार्यक्रम समेत गरिएको थियो ।

नेपालसहित मेक्सिको, कोलम्बिया, थाइल्याण्ड, बंगालादेश, सिंगापुर, रसिया लगायत विश्वभरका विभिन्न ३० देशका कन्सुलेट जनरल कार्यालयका प्रतिनिधिहरु सहभागी कार्यक्रममा नेपालका तर्फबाट महावाणिज्यदूत मधुकुमार मरासिनी लगायत उपमहावाणिज्यदूत पुष्पराज भट्टराई,वाणिज्यदूत कृसु क्षेत्री, पर्यटनदूत प्रदीप श्रेष्ठ लगायतको उपस्थीति रहेको थियो ।

यस्ता कार्यक्रममा नेपाली खानाको सहभागिताबाट विश्वमाझ नेपाली खानाको प्रवद्र्धनमा सहयोग पुग्ने महावाणिज्यदूत मधुकुमार मरासिनीले विश्वास व्यक्त गर्नुभयो । हरेक बर्ष हुने कार्यक्रममा आगामी बर्षदेखि नेपालको सांस्कृतिक प्रस्तुती समेत रहने उहाँले बताउनुभयो ।

कार्यक्रमका केही तस्विरहरु ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com