Follow @khasokhasmag

नेपाली काँग्रेसका आमन्त्रित केन्द्रीय सदस्य बिष्टलाई न्युयोर्कमा सम्मान


प्रकाशित मिति : माघ १५, २०७४ सोमबार

नेपाली काँग्रेसका आमन्त्रित केन्द्रीय सदस्य आनन्द बिष्टलाई न्युयोर्कमा सम्मान गरिएको छ । नेपाली जनसम्पर्कसमित अमेरिका न्युयोर्क च्याप्टरले न्युयोर्कको ज्याक्सनहाइटमा एक कार्यक्रमको आयोजना गरी बिष्टलाई सम्मान गरेको हो ।

कार्यक्रममा विभिन्न संघ संस्थाका प्रतिनिधि र न्युयोर्कको नेपाली समुदायका विभिन्न व्यक्तित्वहरुले बिष्टलाई बधाई तथा शुभकामना दिएका थिए । नेपाली काँग्रेसका पार्टी सभापति शेरबहादुर देउवाले बिष्टलाई पार्टीको केन्द्रीय आमन्त्रित सदस्यमा मनोनित गर्नुभएको हो ।

कार्यक्रममा अमेरिका भ्रमणमा आउनुभएका नेपाली काँग्रेस ललितपुरका जिल्ला सभापति मदन अमात्यलाई पनि स्वागत गरिएको थियो । अमात्यले पनि बिष्टलाई नेपाली काँग्रेसका आमन्त्रित केन्द्रीय सदस्यमा मनोनित भएकोमा बधाई दिनुभएको थियो ।

भारतबाहेक विदेशमा रहेका नेपाली काँग्रेसका नेताहरुमा आमन्त्रित केन्द्रीय सदस्यमा मनोनित हुने बिष्ट पहिलो नेता हुनुहुन्छ । उहाँले आमन्त्रित केन्द्रीय सदस्यको हैसियतले पार्टीका केन्द्रीय बैठकहरुमा भाग लिने अधिकार पाउनुहुनेछ । २० बर्षसम्म अनवरत प्रजातन्त्र र मानवअिधकारको पक्षमा दिएको योगदान र अनवरत रुपमा पार्टीका लागि गरेको कामको उच्च मूल्यांकन भएको नेता बिष्टलाई आमन्त्रित केन्द्रीय सदस्यमा मनोनित गरिएको हो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com