Follow @khasokhasmag

कोलम्बियामा जनताद्वारा शान्ति सम्झौता अस्विकार


प्रकाशित मिति : आश्विन १७, २०७३ सोमबार

कोलम्बियाका नागरिकले फार्क बिद्रोहीसँग सरकारले गरेको शान्ति सम्झौता अस्वीकार गरेका छन् । फार्क बिद्रोही र सरकारबिच भएको शान्ति सम्झौता अनुमोदनका लागि भएको जनमतसंग्रहमा कोलम्बियाका नागरिकले विपक्षमा मत दिएका हुन् । शान्ति सम्झौताको विपक्षमा ५० दशमलव २४ प्रतिशत मत खसेको  छ । यो फैसलासँगै वर्षौं र लामो प्रयासपछि गरिएको युद्धविराम सम्झौता संकटमा पर्ने भएको छ ।

राष्ट्रको जीवनकै लागि निकै महत्वपूर्ण मानिएको सरकार र विद्रोही फार्कबीच सम्पन्न शान्ति सम्झौतालाई जनमत संग्रहमार्फत मतदाताले अस्विकार गरेका हुन् । चार वर्ष लामो शान्ति वार्तापछि गत हप्ता मात्र राष्ट्रपति जुआन मानुअल सान्तोस र फार्क नेता तिमोलीओन जीमेनेजबीच ऐतिहासिक शान्ति सम्झौतामा हस्ताक्षर गरिएको थियो ।

तर यो सम्झौता कार्यान्वयनका लागि जनमत संग्रहबाट अनुमोदन गर्नुपर्ने व्यवस्था गरिएकाले जनताका बीचमा लग्दा असन्तुष्ट मतदाताको झिनो संख्याले अस्वीकार गरेपछि शान्ति सम्झौता नै संकटमा पर्ने हो कि भन्ने आशंका बढेको छ ।जनमत संग्रहमा एक करोड ३० लाख मतदाता सहभागी भएका थिए । फार्क विद्रोही राजनीतिको मूलधारमा आउन ५२ वर्ष लामो सशस्त्र हिंसा त्याग्न तयार भएको थियो । साँढे दुई लाखभन्दा बढी जनता मारिएको यति लामो युद्ध अन्त्य गर्दै शान्तिको मार्गमा मुलुकलाई लैजानुको अर्को विकल्प नरहेको राष्ट्रपतिले बताए पनि जनताले यसलाई अस्विकार गरिदिएका छन् ।

चार वर्षसम्म भएको वार्तापछि सरकार र फार्क बिद्रोहीबिच शान्ति सम्झौतामा सहमति भएको थियो । सम्झौतामा गएको हप्ता राष्ट्रपति आन म्यानुअल सान्तोस र फार्क नेता टिमोलिओन हिमेनेजले हस्ताक्षर गर्नुभएको थियो । तर सम्झौता कार्यान्वयनमा आउनका लागि नागरिकले अनुमोदन गर्नु पर्ने थियो ।

त्यसका भएको जनमत संग्रहमा मतदाताले विपक्षमा मत दिएका हुन् । राजनीतिक प्रक्रियामा सहभागी हुन राजी हुँदै फार्क बिद्रोहीले हतियार बिसाएपछि कोलम्बियामा ५२ वर्षदेखि जारी द्वन्द्व अन्त्य भएको थियो । तर शान्ति सम्झौता नागरिकले अनुमोदन नगरेपछि के हुने भन्ने विषयमा अन्यौल भएको छ ।

राष्ट्रपति सान्तोसले जनमत संग्रह अघि युद्ध अन्त्यका लागि शान्ति सम्झौता बाहेक अर्को कुनै विकल्प नभएको बताउनुभएको थियो । फार्क बिद्रोहको क्रममा दुई लाख ६० हजार मानिसको ज्यान गएको थियो ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com