काठमाडौँमा विशेष सुरक्षा योजना लागू

प्रकाशित मिति : आश्विन १५, २०७३ शनिबार

दसैँ, तिहार र छठका लागि शुक्रबारबाट काठमाडौँमा विशेष सुरक्षा योजना लागू भएको छ । चाडबाडमा हुने चोरी, डकैती, लुटपाट, लागूऔषध ओसारपसार, ठगी र चन्दा असुलीजस्ता अपराध नियन्त्रण गर्न विशेष सुरक्षा योजना लागू गरिएको हो ।

महानगरीय प्रहरी परिसर काठमाडौँ र महानगरीय प्रहरी अपराध महाशाखाले टेकुस्थित परिसर कार्यालयमा संयुक्त पत्रकार सम्मेलन गरी यस वर्षको चाडबाडलाई अपराधमुक्त बनाउन तालिम प्राप्त कुकुरबाट उपत्यकाका नाकामा चेकजाँच गर्नुका साथै मोटरसाइकल र साइकल गस्ती सञ्चालनमा ल्याएको जनाएको छ ।

परिसर प्रमुख वरिष्ठ प्रहरी उपरीक्षक विक्रमसिंह थापाले सर्वसाधारणको शान्तिसुरक्षाका लागि तीनवटा तालिम प्राप्त कुकुरसहित चार हजारभन्दा बढी प्रहरी परिचालन गरिएको जानकारी दिए । जनशक्ति महाशाखा, परिसर र परिसर मातहतका वृत्त र प्रभागबाट प्रहरीलाई संयुक्त रूपमा परिचालन गरिएको हो ।

दसैँदेखि छठसम्म चोरी, डकैती, जुवातास, गुन्डागर्दी, सिक्रीलगायत गहना लुटपाट, पकेटमारी, कालोबजारी, यातायातको भाडामा ठगी, क्षमताभन्दा बढी यात्रु ओसारपसार, खाद्यमा मिसावट, बजार अनुगमन र पटका तथा भुईँचम्पा जस्ता प्रज्वलनशील वस्तुको अवैध प्रयोग र ओसारपसार नियन्त्रण गर्न प्रहरी सक्रिय हुने जनाइएको छ ।

उपत्यकाको शान्तिसुरक्षाका लागि तीन किसिमको सुरक्षा व्यवस्था मिलाएका छौँ, परिसर प्रमुख थापाले भन्नुभयो, प्रहरी जनशक्तिको वैज्ञानिक प्रयोग, सूचना सङ्कलनमा सादा पोसाकका प्रहरी तथा सामुदायिक प्रहरी र सर्वसाधारण नागरिकको सहयोगसँगै प्रविधि अन्तर्गत सीसीटीभी तथा सामाजिक सञ्जाललाई पनि शान्तिसुरक्षाको आधार बनाउनेछौँ ।

सहरका विभिन्न चोकमा चौबीसै घन्टा प्रहरी तैनाथ गरी तालिम प्राप्त कुकुरको सहयोगमा सिल एन्ड सर्च, व्यापारिक महल तथा बजारक्षेत्रमा कर्डन एन्ड सर्च, क्रस चेकिङ र एम्बुसिङ्गजस्ता नयाँ विधि प्रयोग गरी सर्वसाधारणमा शान्तिसुरक्षाको अनुभूति हुने गरी काम गर्ने तयारी भइरहेको जानकारी उनले दिएको गोरखापत्रमा खबर छ ।

जिल्ला प्रशासन कार्यालय काठमाडौँका सहायक प्रमुख जिल्ला अधिकारीको संयोजकत्वमा गठित बजार अनुगमन कार्यलाई तीव्र बनाई खाद्यमा मिसावट, कालोबजारी, ठगी नियन्त्रण कार्यलाई थप सशक्त र प्रभावकारी बनाइने उनले बताए । कालोबजारी, ठगी र मिसावट नियन्त्रणका लागि प्रहरी कन्ट्रोल १०० र सवारीसँग सम्बन्धित समस्याका लागि १०३ मा उजुरी दिन उनले सर्वसाधारणलाई आग्रह गरे ।

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com