एकाएक चर्चामा , गुल्मेली प्ले ब्याक लोक गायक खिमराज गौतम (भिडियो सहित)
प्रकाशित मिति : पुस २९, २०७४ शनिबार
यतिबेला खाडी मुलुकको युएईमा नेपाली कामदारको रुपमा कार्यरत नव गायक खिमराज गौतमले फेरी अर्को लोक दोहोरी एल्बम ‘बाटो फुक्थ्यो’ बजारमा ल्याएका छन ।
सो एल्बमसँगै यतिबेला उनी नेपाली लोक गीतको क्षेत्रमा एकाएक चर्चामा आउन थालेका छन् । उनलाई यतिबेला नेपाली लोक गीतको उदियमान गायकको रुपमा हेर्न थालिएको लोक पारखीहरु बताउँछन् ।
यद्यपी उनी आफ्ना कुनै पनि एल्बममा फ्रन्ट पेजमा प्रकाशित भने छैनन् । फरक बिचारसँगको कुराकानीमा उनले आफु प्ले ब्याक सिंगर भएरै चर्चामा आउन चाहेको बताएका छन ।
जुन गितमा चर्चित गायीका बिश्णु माझी र उदियमान गायक खिमराज गौतमको सुमधुर स्वर रहेको छ ।युट्युव मार्फत सार्वजनीक भएको गित बाटो फुक्थ्यो होलामा चर्चित मोडल सारिका के.सी. र कलाकार अर्जुन कुँवरले अभिनय गरेका छन् ।
निकै मार्मिक ढङ्गमा प्रेम विछोडलाई प्रस्तुत गरीएको यो गितको दृश्यलाई योग्सना डिजिटल प्रा.ली. ले निर्माण गरेको हो भने , नेपालकै एकमात्र महिला निर्देशक स्मृती तिमील्सीना, गुरुआमा ले निर्देशन गरेकी हुन ।
छायाँकन शुरेस श्रेष्ठको रहेको छ भने दृश्य सम्पादन शुधन बस्नेत ले गरेका हुन । गितको भिडियोलाई हर्टविट नेपाल नामक युट्युब च्यानलबाट विमोचन गरिएको छ । जसमाचर्चित शब्द तथा लय संकलक गणेश अधिकारी लय तथा शब्द संकलन रहेको छ ।
यस अघि गौतमले आफन्तैले मारे नामक एल्बम बजारमा ल्याएका थिए । जुन गितमा चर्चित गायीका देबि घर्ति र खिमराज गौतमको सुमधुर स्वर रहेको छ ।
जसलाइ हिमसम्झौता डिजिटल प्रा. लि.ले बजारमा ल्याएको थियो ।गायक गौतम गुल्मी रेसुङ्गा नगरपालिका सेउघामा २०५३ सालमा आमा चन्द्रकला गौतमको कोखबाट जन्म भै हाल रोजगारको सिलसिलामा युनाइटेड अरब इमिरेट्समा कार्यरत छन ।
यो भन्दा पहिले पनि गौतम ले पहिलो गित स्वार्थि दुनियाँ बजारमा लिएर आएका थिए जस्मा सञ्चारकर्मी अर्जुन कुवर र देबि घर्तिको आवाज रहेको थियो ।
