Follow @khasokhasmag

यी हुन् राष्ट्रसंघको महासचिवको नयाँ उम्मेदवार


प्रकाशित मिति : आश्विन १२, २०७३ बुधबार

संयुक्त राष्ट्रसंघको महासचिव पदका लागि बुल्गेरियाले नयाँ उम्मेदवारी दिने भएको छ। बुल्गेरियाले युनेस्कोकी प्रमुख इरिना बोकोभाको साटो युरोपेली आयोगको उपाध्यक्ष क्रिस्टालिन जर्जिभालाई राष्ट्रसंघको महासचिवमा उठाउने भएको हो।

बुल्गेरियाका प्रधानमन्त्री ब्वाइको बोरिसोभले जार्जिभा राष्ट्रसंघको महासचिव पदका लागि सशक्त उम्मेद्वार भएको दाबी गरेका छन्। यही साता सम्पन्न १५ सदस्यीय राष्ट्रिय परिषदको बैठकमा गरिएको अनौपचारिक मतदानमा बोकोभा कमजोर देखिएकी थिइन्। उनी उम्मेद्वारको सूचीमा प्रमुख पाँचभित्र पर्नु पर्नेमा छैटौँ क्रममा परेकी थिइन्।

राष्ट्रसंघका महासचिव दक्षिण कोरियाका वान की मुनलाई विस्थापित गर्न जर्जिभा सक्षम हुने विश्वास गरिएको छ। ‘बोकोभालाई उम्मेदवार बनाउने वातावरण मिलाउन हामीले अन्तिमसम्म मेहेनत गर्यौं,’ प्रधानमन्त्री बोरिसोभले भने, ‘तर उहाँलाई अन्य देश र अन्य महिला उम्मेदवारले पछाछि पार्ने स्थिति देखियो।’राष्ट्रसंघको महासचिव पदका लागि अहिलेसम्म पोर्चुगलका पूर्वप्रधानमन्त्री एन्टोनो गट्रेस अग्रस्थानमा देखिएका छन्।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com