एम्बुलेन्स दुर्घटना हुँदा दुई जना घाइते
प्रकाशित मिति : पुस २१, २०७४ शुक्रबार
पुस २१, काठमाण्डौ,। काठमाडौंबाट दोलखा जाँदै गरेको ज १ च १२५४ नम्बरको एम्बुलेन्स दुर्घटना भएको छ । धुलिखेल नगरपालिकाको खावा भन्ने स्थानमा भएको दुर्घटनामा परि २ जना घाइते भएका छन् ।
काठमाडौंबाट दोलखाको जिरीका लागि गुडेको एम्बुलेन्स धुलिखेल नगरपालिकाको सडकबाट ७ सय मिटर तल खसेको थियो । दुर्घटनामा परि एम्बुलेन्स चालक रामकृष्ण बुढाथोकी र एम्बुलेन्समा रहेकी लक्ष्मी खड्का घाइते भएको प्रहरीले जनाएको छ ।
चालकको टाउकोमा गहिरो चोट रहेकाले चालक बुढाथोकीको नजिकैको स्वास्थ्य चौकीमा उपचार भइरहेको छ ।