ल्याटीन अमेरिकामा ५२ वर्षदेखि चलेको गृहयुद्ध अन्त्य

प्रकाशित मिति : आश्विन ११, २०७३ मंगलबार

ऐतिहासिक शान्ति सम्झौतासँगै कोलम्बियामा ५२ वर्षदेखि चलेको गृहयुद्ध अन्त्य भएको छ । ल्याटीन अमेरिकी राष्ट्र कोलम्बिया सरकार र कम्युनिष्ट विद्रोही फार्कबीच ऐतिहासिक शान्ति सम्झौता सम्पन्न भएको छ ।  राष्ट्रपति जुवान म्यानुअल सान्तोष र फार्क विद्रोहीका नेता तिमोलियोन जिमेनेजले शान्ति सम्झौतामा हस्ताक्षर गरेका हुन् ।

राष्ट्रपति जुवान मयानुअल सान्तेष र माक्र्सबादी विद्रोही नेता टिमोचेन्कोले सम्झौतामा हस्ताक्षर गरेका छन् ।
उक्त सम्झौतासँगै ५२ वर्षसम्म चलेको युद्ध समाप्त भएको छ । क्युवामा चारबर्ष सम्म चलेको शान्तिवार्ता पछि राष्ट्रपति सान्तोष तथा ५७ बर्षीय टिमचेन्को अर्थात रोड्रिगो लोन्डोनोले कोलम्बियाको माटोमा हातमिलाएका थिए । यससँगै ल्याटीन अमेरिकीको लामो समयसम्म चलेको युद्धको अन्त भएको छ । सम्झौता हस्ताक्षर कार्यक्रममा शान्ति झल्काउन सबैले सेतो पहिरन लगाएका थिए भने गोली आकारको कलमले सम्झौतामा हस्ताक्षर गरिएको थियो ।  शान्ति सम्झौता लागू भएपछि युरोपियन युनियनले कोलम्बियाको पुनर्निर्माणमा मद्दत गर्ने छ ।

सम्झौतालगत्तै युरोपियन युनियनले कोलम्बियाको फार्क विद्रोहीलाई चरमपन्थी संगठनको सूचीबाट हटाएको छ । शान्ति सम्झौताको हस्ताक्षर कार्यक्रममा फार्क विद्रोहीका नेता तिमोलियोनले सन् १९६४ मा कम्युनिस्ट पार्टीको सशस्त्र समूहको रुपमा उदाएको समूहले अब हिंसा त्यागेर शान्तिपूर्ण राजनीतिमा लाग्ने प्रतिबद्धता जनाए । यो कदममा कसैले पनि शंका नराख्न पनि उनले आग्रह गरे । सम्झौताअनुसार फार्क समूह अब राजनीतिक पार्टीका रुपमा स्थापना हुने छ । शान्ति सम्झौतामाथि आगामी अक्टोबर २ तारिखमा जनमत संग्रह हुने छ । जनमतसंग्रहबाट अनुमोदन भएपछि यो कानुन बन्ने बताइएको छ ।

आधा शताब्दीभन्दा बढी समय चलेको गृहयुद्धका कारण कोलम्बियामा २ लाख ६० हजार मानिसको ज्यान गएको थियो भने ६० लाख मानिस आन्तरिक रुपमा विस्थापित भएका छन् । उक्त शान्ति सम्झौता हस्ताक्षर कार्यक्रममा संयुक्त राष्ट्रसंघका महासचिब बानकी मुन, क्युबाका राष्ट्रपति राहुल क्याष्ट्रो तथा अमेरिकी बिदेशमन्त्री जोन केरी उपस्थित थिए ।

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com