१२ औं अन्तर्राष्ट्रिय खुल्ला मैत्री तेक्वान्दो प्रतियोगिता तस्विरमा
प्रकाशित मिति : पुस १९, २०७४ बुधबार
पूर्वी नेपालको इटहरीमा १२ औं अन्तर्राष्ट्रिय खुल्ला मैत्री तेक्वान्दो प्रतियोगिता सम्पन्न गरिएको छ । इटहरी रंगशालाको कभर्डहलमा प्रतियोगिता गरिएको हो । अन्तर्राष्ट्रिय खुल्ला मैत्री तेक्वान्दो प्रतियोगिता पोर्टल्याण्ड अमेरिकाको मुख्य आयोजनामा गरिएको प्रतियोगितामा झण्डै दर्जन देशका ७ सय भन्दा धेरै खेलाडीहरुको सहभागिता रहेको थियो ।
प्रतियोगिताको उद्घाटन समारोहमा खेलकुदमन्त्री राजेन्द्र कुमार केसी, राष्ट्रिय खेलकुद परिषदका सदस्य सचिव केशव कुमार बिष्ट, अन्तर्राष्ट्रिय खुल्ला मैत्री तेक्वान्दो प्रतियोगिता मुख्यालय पोर्टल्याण्डकी करेन ब्ल्याकलेज, राजनीतिक दलका नेताहरु, सांसद, स्थानीय जनप्रतिनिधिहरु, विश्वभरबाट प्रतियोगितामा सहभागी हुन उपस्थीत खेलाडीहरु, प्रशिक्षकहरु, रेफ्रीहरु, संचारकर्मी र दर्शकहरुको सहभागिता रहेको थियो । २ दिनसम्म चलेको प्रतियोगिताको समापन समारोहमा विजेताहरुलाई मेडल प्रदान गरिएको थियो ।
आयोजक कमिटिका संयोजक राष्ट्र राई र ग्रयाण्डमास्टर दिवाकार डान महर्जनको विशेष सकृयतामा अन्तर्राष्ट्रिय तेक्वान्दो प्रतियोगिताको आयोजना गरिएको हो । महर्जन सन् २००० देखि नै अन्तर्राष्ट्रिय खुल्ला मैत्री तेक्वान्दो प्रतियोगिताका प्रतियोगिता निर्देशक हुन् ।
हरेक दुई बर्षमा हुने यो प्रतियोगिताको १३ औं संस्करण २०२० मा अमेरिकामा हुनेछ । यो बर्षको प्रतियोगिता अष्ट्रेलियामा हुने तय भएतापनि भूकम्पबाट तंग्रदै गरेको नेपाललाई खेलकुदको माध्यवमबाट पर्यटन प्रवद्र्धन समेत होस् भन्ने उद्देश्यले कार्यक्रम गरिएको ग्रयाण्डमास्टर दिवाकर डान महर्जनले बताए ।
प्रतियोगितामा पुगेका खसोखासकर्मी बिक्रम खत्रीले खिचेका केही तस्विरहरु ।