रसुवालाई पूर्ण खुल्ला दिसामुक्त क्षेत्र घोषणा
प्रकाशित मिति : पुस १७, २०७४ सोमबार
पुस १७, रसुवा। जिल्लालार्इ पूर्ण खुल्ला दिसामुक्त क्षेत्र घोषणा गरिएको छ । नेपाल सरकारको सन २०१७ सम्ममा मुलुकलार्इ खुल्ला दिसामुक्त क्षेत्र घोषणा गर्ने अभियान अन्तर्गत रसुवालार्इ खुल्ला दिसामुक्त क्षेत्र घोषणा गरिएको हो ।
आइतबार सदरमुकाम धुन्चेमा जिल्ला खानेपानी, सरसफाइ तथा स्वच्छता समन्वय समितिले आयोजना गरेको खुल्ला दिसामुक्त क्षेत्र घोषणा सभामा सतप्रतिशत शौचालय निर्माण भएर प्रयोगमा आएसंगै जिल्लालार्इ खुल्ला दिसामुक्त क्षेत्र घोषणा गरिएको हो ।
जिल्लामा साढे दुर्इ वर्षमा ७८ प्रतिशत शौचालय निर्माण भएर कार्यान्वयनमा आएको समितिले जानकारी दिएको छ ।
तत्कालीन अवस्थामा १८ वटा गाविस रहेको जिल्लामा भुकम्प अगाडि ४ वटा गाविसलार्इ खुल्ला दिसामुक्त क्षेत्र घोषणा गरिएको थियो भने ५ वटा गाविस घोषणाको अन्तिम चरणमा पुगेको थियो ।
महाभूकम्प पछिको कठिनाइका बाबजुत लक्षित समयमै खुल्ला दिसामुक्त क्षेत्र घोषणा गर्न सफल भएको समितिले जनाएको छ । जिल्लाका केही शहरी इलाकामा सार्वजनिक शौचालय समेत निर्माण गरिएको छ । पर्याप्त मात्रामा सार्वजनिक शौचालय निर्माण नभइसकेको अवस्थामा चुनौतिकाबीच खुल्ला दिसामुक्त क्षेत्र घोषणा गरिएको हो ।
समितिले आवश्यकता अनुसार शौचालय निर्माण गर्दै घोषणा पुर्ण रुपमा कार्यान्वयन गर्ने जनाएको छ । घोषणा सभामा जिल्लालाइ खुल्ला दिसामुक्त बनाउने नेपाल सरकारको अभियानलार्इ सहयोग गर्ने विभिन्न गैर(सरकारी संघसस्था, जिल्लास्थित सरकारी कार्यालय, राजनितिक दल, पत्रकार लगायतलार्इ कदर(पत्रले सम्मान गरिएको थियो ।