त्रियानब्बे वर्षीया पौडीवाज अझै पदक जित्दै
प्रकाशित मिति : मंसिर २९, २०७४ शुक्रबार
त्रियानब्बे वर्षीया नोरा रोनाइ भन्छिन् –’मैले जीवनमा लैंगिक भेदभाव भोगे तर त्यसको सामना गर्दै आफ्ना लक्ष्यहरु हात पार्न सफल भए ।’ उनी साधारण ज्येष्ठ नागरिक होइनन् । उनी ब्राजीलकी सदावहार पौडीवाज हुन्।
उनले सन् २०१४ को वल्र्डस् मास्टर्स च्याम्पेनशीपस्मा सात वटा स्वर्ण पदकहरु जितेकी थिइन् र अहिलेसम्म दुईवटा विश्व कीर्तिमान तोड्न सफल भएकी छिन्। उनी व्यवसायिक पौडीवाज भने ६९ वर्षको उमेरमा मात्र भइन् ।
उनको अनुभव उनकै शब्दमा
“यदि तपाईलाई साँच्चै केही गर्न मन लाग्छ, भने त्यसका लागि तपाईले सजिलै समय निकाल्नुहुन्छ । म ठ्याक्कै ९३ वर्ष आठ महिनाकी भएँ ।
पौडी मेरो लागि मनोरञ्जन लिएर, आरामदायी रुपमा चिन्ता मुक्त हुने माध्यम हो । मलाई पौडी खेल्दा घमाइलो र रमाइलो समुन्द्री तटमा पुगेको जस्तो लाग्छ । पौडी खेल्ने तालभित्र छिर्दा मलाई शारीरिक भन्दा पनि भावनात्मक आराम मिल्छ । यो क्रिडाले जीवनमा मैले सामना गर्नुपरेका कठिन परिस्थितिहरुको सामना गर्न सघायो।
मेरा दुई छोरीहरुले मलाई धेरै साथ दिएका छन्। उनीहरु म प्रति गर्व गर्छन्। तर उनीहरु खेलकुदमा सहभागी हुँदैनन् । यदि तपाई कुनै कुरा गर्न मन पराउनुहुन्न भने तपाईंको समय निक्लिदैंन । तपाईंले अभिरुचि राख्ने कामको लागि भने तपाईले समय निकाल्न सक्नुहुन्छ।”
के नोरा रोनाइले युवावस्थामा लैंगिक विभेद खप्नुपर्यो ?
“मेरो समयमा पनि लैंगिक विभेद थियो। मलाई सानोमा स्किईग खेल्न मन लाग्थ्यो। तर केटीहरुलाई यो खेल्न अनुमति दिइन्नथ्यो। म आर्किटेक्ट साथै विश्वविद्यालयको अध्यापक थिएँ। मैले दुई छोरीहरुलाई हुर्काएँ। लैंगिक विभेदको कारण म जीवनमा रोकिइन। यसको असर मैले आफूलाई पर्न दिइनँ,” रोनाइ भन्छिन्।
साभार–बिबिसी