निक्षेपमा काठमाडौंको हिस्सा ६८।३ प्रतिशत, घरजग्गाको कारोबारमा उच्च वृद्धि,

नेपाल डेस्क

प्रकाशित मिति : मंसिर २४, २०७४ आईतबार

मंसिर २४, काठमाडौं। घरजग्गा कारोबारमा बढोत्तरी भएको छ। नेपाल राष्ट्र बैंकले गरेको अध्ययनअनुसार एक वर्षमा घरजग्गा रजिष्ट्रेशन संख्या ९ प्रतिशतले बढ्दा त्यसवापत संकलन हुने राजश्व ३९।८ प्रतिशतले उक्लिएको छ।

पर्यटन क्षेत्र पनि विस्तार भएको छ । पर्यटक स्तरीय होटल तथा लजको संख्या ७।९ प्रतिशतले बढेको छ। बेडको संख्या ६।८ प्रतिशतले बढेको छ। यो अवधिमा पर्यटक आगमन पनि २९।२ प्रतिशतले बढेको छ।

राष्ट्र बैंकले आफ्नो कार्यालय रहेका काठमाडौं, विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज र धनगढी वरपरका ५७ जिल्लामा गरेको अध्ययनका आधारमा यस्तो तथ्यांक आएको हो।

अध्ययन क्षेत्रमा कुल निक्षेप १८।२ प्रतिशतले बढ्दा ऋण विस्तार २२।८ प्रतिशतले भएको छ। निक्षेप संकलनभन्दा कर्जा विस्तार बढी भएका कारण कर्जा(निक्षेप अनुपात ८२।८ प्रतिशतबाट बढेर ८६।१ प्रतिशत पुगेको छ।

  [jetpack_subscription_form 
    title="खसोखास निशुल्क सब्सक्राइब गर्नुहोस् 🙏"
    subscribe_text="अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू  तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।"
    subscribe_placeholder="इमेल ठेगाना यहाँ प्रविष्ट गर्नुहोस्…"
    subscribe_button="सब्सक्राइब गर्न यहाँ क्लिक गर्नुहोस्"
  ]

निक्षेप संकलन तथा कर्जा प्रवाहमा काठमाडौं क्षेत्रको अंश ठूलो छ। निक्षेपमा काठमाडौं क्षेत्रको हिस्सा ६८।३ प्रतिशत छ भने कर्जा ५१।७ प्रतिशत छ। यद्यपी निक्षेप संकलन हिस्सा नबढे पनि काठमाडौंले अघिल्लो बर्ष ५३ प्रतिशत ऋण विस्तार गरेको थियो।