Follow @khasokhasmag

चुनाव जितेपछि प्रकाशमानले टेलिभिजनलाई हप्काए


प्रकाशित मिति : मंसिर २२, २०७४ शुक्रबार

चुनाव जीते लगत्तै नेपाली कांग्रेसका नेता प्रकाशमान सिंहले टेलिभिजनलाई हप्काएको समाचार अनलाइनखबरले प्रकाशित गरेको छ ।

काठमाडौं १ बाट चुनाव जितेको घोषणा हुँदैगर्दा रातको सवा २ बजेको थियो । त्यही बेला राष्ट्रिय सभागृहबाट लाइभ प्रसारण गरिरहेको एएटा निजी टेलिभिजनले उनको अन्तरवार्ता लिने प्रयास गर्‍यो ।

एक चर्चित निजी टेलिभिजनका पत्रकारले प्रकाशमानज्यू तपाईलाई बधाइ छ भनेर कुराकानी सुरु गर्नासाथ सिंहले उक्त टेलिभिजनलाई गाली गर्न सुरु गरिहाले । चुनावका बेलामा सो टीभीले ‘बायस न्युज’ दिएको भन्दै प्रकाशमानले औलो ठड्याउँदै गाली गरे । र, पिठ फर्काएर हिँडे ।

लगत्तै प्रकाशमानलाई अर्को निजी टीभीका पत्रकारले भेटे । सो टीभीसँग चाहिँ सिंहले समान्यरुपमा कुरा गरे ।

नेपाली कांग्रेसलाई अब सुधार गरेर जनताको चाहना अपेक्षा अनुसार अगाडि बढाउने सिंहले बताए ।

सरकारले राम्रो परफरमेन्स गर्न नसकेको र कांग्रेसको नेतृत्वले जनताको अपेक्षा अनुसार काम गर्न नसकेको हुनाले कांग्रेसले चुनावमा सोचेजस्तो सफलता हासिल गर्न नसकेको सिंहले विश्लेषण गरे ।

अब आफूले वीपी, सुवर्ण र गणेशमानको भावना अनुसार कांग्रेसलाई अघि बढाउने उनले बताए ।

यसैवीच प्रकाशमान सिंहको जितसँगै राति नै देखि कांग्रेस कार्यकर्ताहरुले सभागृह अगाडि नारावाजी गरेर खुशीयाली मनाएका छन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com