Follow @khasokhasmag

पर्वतमा एक महिलामाथि लुटपाट


प्रकाशित मिति : मंसिर १९, २०७४ मंगलबार

मंसिर १९ पर्वत, पर्वतको जलजला गाउँपालिका– ४ लामाखेतमा अज्ञात समूहद्वारा एक महिलामाथि लुटपाट भएको छ। प्रहरी चौकी पर्वत बारी बेनीका प्रहरी चौकी इन्चार्ज प्रहरी सहायक निरीक्षक अर्जुन पौडेलका अनुसार पर्वतको जलजलाबाट घरायसी सामग्री खरिदका लागि म्याग्दी सदरमुकाम बेनीतर्फ जाँदै गर्दा पर्वतकै जलजला गाउँपालिका– ४ स्थित लामाखेतको एक लाख रुपैयाँ नगद र नाक तथा घाँटीमा लगाएको आधा तोला सुनसहित जलजलाकी स्थानीय ईन्द्रकुमारी सेन ठकुरी लुटपाटमा परेकी हुन्।
अनुहारमा नकाब लगाएका तीन जनाको अज्ञात समूहद्वारा ढुंगा प्रहार गरेर बेहोस बनाई उनी लुटिएकी हुन्। दिउँसो ३ बजेको समयमा उनी लुटिएको र उनको बेहोस अवस्थामा नै जिल्ला अस्पताल म्याग्दीमा उपचार भइरहेको जिल्ला प्रहरी कार्यालय पर्वतका प्रहरी नायव उपरीक्षक दीलिप घिमिरेले जानकारी दिए। घटना भएको स्थानमा प्रहरी परिचालन गरी लुटेराको खोजी भइरहेको प्रहरीले बताएको छ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com