Follow @khasokhasmag

‘लोकमानलाई एमालेले उचालेको रहेछ, मैले कुरा गरें’


प्रकाशित मिति : आश्विन ४, २०७३ मंगलबार

प्रधानमन्त्री पुष्पकमल दाहाल प्रचण्डले प्रचण्डले एमालेको उक्साहटमा लोकमानले लडाकु शिविरमा भएको भनिएको अनियमितताको फाइल अघि बढाएको बताए । अख्तियारले लडाकु शिविरमा भएको भनिएको अनियमितताको फाइल अघि बढाएपछि अहिले माओवादी नेताहरुमा एक किसिमको त्रास व्याप्त छ । यो फाइल अघि बढ्यो भने प्रधानमन्त्रीसमेत रहेका अध्यक्ष प्रचण्डसहित पार्टीका प्रभावशाली नेताहरु तानिने सम्भावना रहेको  छ । मंगलबार नेकपा माओवादी केन्द्रको केन्द्रीय कार्यालय बैठकमा प्रचण्डले उनीहरुलाई आश्वस्त पार्ने प्रयास गरे । प्रचण्डले अख्तियार प्रमुख लोकमानसिंह कार्कीसँग आफूले कुराकानी गरिसकेको भन्दै नेताहरुलाई आश्वस्त पार्न यास गरे ।

‘लोकमानसँग मेरो कुरा भइसकेको छ । उनले गल्ति महसुस गर्दै छानबिन प्रक्रिया अघि नबढाउने प्रतिबद्धता व्यक्त गरेका छन्’, प्रचण्डले बैठकमा भनेको कुरा उद्धृत गर्दै ती नेताले बताए । प्रचण्डले ‘एमालेको उक्साहटमा लोकमानले प्रक्रिया अघि बढाएका रहेछन्,’ भन्ने निष्कर्ष बैठकमा सुनाएका थिए । बैठकपछि सञ्चारकर्मीमाझ प्रवक्ता भुसालले लडाकु शिविरमा भएको अनियमितताको सम्बन्धमा अख्तियारले थालेको अनुसन्धानबारे बैठकमा कुनै छलफल नभएको जीकिर गरिन् ।

भारत फेरिएछ

प्रचण्डले बैठकमा आफ्नो भारत भ्रमण निकै उपलब्धिमूलक भएको मात्रै बताएनन्, भारत पहिलेभन्दा निकै फेरिएको अनुभूति सुनाए । ‘मेरो भ्रमण निकै उपलब्धिमूलक भयो । भारत पहिलेभन्दा निकै फेरिएछ,’ प्रचण्डले प्रसन्न मुद्रामा बैठकमा ब्रिफिङ गरेको एक नेताले बताए । साथै उनले भारतीय प्रधानमन्त्री नरेन्द्र मोदीले ‘अब नेपालको नेता भनेको तपाइँ नै हो,’ भनेर आफ्नो प्रशंसा गरेको जानकारी पनि बैठकमा दिए ।

 

 

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com