खुम्बुको एक होटलमा आगलागी हँदा साढे छ करोडको क्षति
प्रकाशित मिति : मंसिर १४, २०७४ बिहीबार
सोलुखुम्बु, मंसिर १४ –सोलुखुम्बुको खुम्बु पासाङल्हामु गाउँपालिका वडा नम्बर ४ क्याङजुमा आगलागी हुदाँ करोडौंको क्षति भएको छ ।
बुधबार राति झण्डै ८ बजे आइटासी शेर्पाको होटल आमादब्लममा आगलागी हुदाँ ६ करोड ५० लाख ८० हजार बराबरको क्षति भएको सोलुखुम्बुका प्रहरी निरीक्षक प्रदुम्न अधिकारीले जानकारी दिए।
आगो राति १० बजे तिर नेपाली सेना, नेपाल प्रहरी तथा स्थानीयको सहयोगमा नियन्त्रणमा लिइएको थियो । डाइनिङ हलमा आगो ताप्ने क्रममा चिम्नीबाट आगो सल्किएको बताइएको छ । प्रहरी सहायक निरीक्षकको नेतृत्वमा इलाका प्रहरी कार्यालय नाम्चेको टोली घटना स्थलमा पुगेर विहिबार अपराह्न क्षतिको मूल्याकंलन गरेको प्रहरीले जनाएको छ ।