फलफूल खेतीका लागि अनुदान शुरु
प्रकाशित मिति : मंसिर १३, २०७४ बुधबार
मंसिर १३ काठमाडौं–कृषि विकास मन्त्रालयले फलफूल खेतीको लागि अनुदान कार्यक्रम सुरु गरेको छ । मन्त्रालयले सुरु गरेको अनुदानको कार्यक्रममा सुन्तला, कागती र जुनारको नयाँ गुणस्तरीय नर्सरी सहितको सुन्तला बगैँचा स्थापना गर्ने उदेश्य रहेको जनाइएको छ । त्यसै अनुरुप किसानलाई अनुदान दिने नीति लागू गरेसंगै किसानको अनुदानको लागि निवेदन पनि दिन थालेका छन् ।
मन्त्रालयको बृहत सुन्तला जात ९सुन्तला, कागती र जुनार० अनुसन्धान, विकास र विस्तार स्रोत केन्द्र स्थापना कार्यक्रम सञ्चालन कार्यविधि २०७४ मार्फत अनुदान पाइने जनाएको छ ।
राष्ट्रिय सुन्तला जात बाली विकास कार्यक्रमकी प्रमुख शान्ता कार्कीको अनुसार जिल्लाबाट निवदेन आएको खण्डमा तोकिएको मापदण्डअनुसार अनुदान वितरण गरिनेछ । अहिले सम्म गोर्खा र लमजुङ जिल्लाको गरी २ वटा नर्सरी तथा सुन्तला बगैँचाबाट निवेदन आएको उनको भनाइ छ । मापदण्ड अनुसार बर्गैैँचा तथा नर्सरी सञ्चालनमा आएको खण्डमा अनुदान उपलब्ध गराइने उनले बताइन् ।
कार्कीका अनुसार अनुदानको कार्यक्रमका लागि सुन्तला जुनार र कागती बर्गैँचा कम्तीमा ४० रोपनीदेखि विस्तार गरेर १ सय रोपनीसम्म पुर्याउन मिल्ने खालको हुनुपर्दछ । अनुदान सुन्तला उत्पादनमा परेको जिल्लामध्ये हुनुपर्ने र एउटा जिल्लाले १ देखि ३ वटा बर्गैँचा तथा सुन्तला नर्सरीले अनुदान पाउने मन्त्रालयले जनाएको छ ।
अनुदान कार्यक्रमले सुन्तला तथा जुनारको पकेट क्षेत्र मानिएको जिल्लामा सुधार गर्न सकिने, पुरानो बोटलाई हटाई नयाँ बिरुवा लगाउदा उत्पादनमा राम्रो हुने विश्वास लिइएको छ ।