न्युयोर्क क्षेत्रमा तीनदिनमा चार बम, मिनेसोटा आक्रमणमा आतंकवादी !

प्रकाशित मिति : आश्विन ३, २०७३ सोमबार

 

न्युयोर्कमा बम बिष्फोट लगत्तै सोमबार विहान न्युजर्सीमा अर्को बम भेटिएको छ । यसअघि शनिबार न्युजर्सीमा पनि बम बिष्फोटको घटना भएको थियो ।

सोमबार बिहान न्युजर्सीको एलिजाबेथमा ट्रेन स्टेशनमा बिष्फोटक पदार्थ भेटिएपछि सुरक्षाकर्मीहरुले त्यसको जाँचबुझ गरिरहेका छन् । मेयर क्रिस्टियन बल्वेजले तार र पाइपसहितको बस्तु पड्काउन तयार पारिएको बम हुनसक्ने बताएका छन् । सोमबार बिहान त्यसक्षेत्रमा बिष्फोटको आवाज सुनिएको अमेरिकी संचारमाध्यमहरुले जनाएका छन् ।

यसअघि शनिबार न्युयोर्कको म्यानहटनमा एउटा बम बिष्फोट भएको थियो भने अर्को नपड्केको बम फेला परेको थियो ।

न्युयोर्कमा शनिबार बिष्फोट लगत्तै अर्को बम फेला पारेर निस्तेज पारिएको थियो ।
म्यानहटनको एभिन्यु अफ अमेरिका र सेभेन्थ एभिन्युको बीचमा २३ औं स्ट्रीटमा शनिबार राती साढे ८ बजेतिर भएको बिष्फोटमा २९ जना घाइते भएका थिए ।
बिष्फोटबाट एउटा भवनका झ्यालका सिसाहरु फुटेका थिए भने भने केही भाग भत्किएको थियो । न्युयोर्कमा भएको बिष्फोटपछि सुरक्षा अधिकारीहरुले राती ११ बजेतिर एभिन्यु अफ अमेरिका र सेभेन्थ एभिन्युकै बीचमा २७ औं स्ट्रीटमा अर्को प्रेसर कुकुर बम फेला पारेका थिए ।
यसैबीच अधिकारीहरुले संदिग्ध पाँचजनालाई नियन्त्रणमा लिएर सोधपुछ गरेका छन् । तर कसैबिरुद्ध पनि अभियोग नलगाइएको जनाइएको छ ।
न्युयोर्क र न्युजर्सीमा तीनदिनको अन्तरालमा चारवटा बम भेटिएपछि न्युयोर्कको यातायातका हबहरुमा थप १ हजार सुरक्षाकर्मीहरु परिचालन गरिएका छन् । यी सबै घटनाहरुसँग शनिबार अमेरिकाकै मिनेसोटामा भएको आक्रमण सबन्धित भए नभएकोबारे अनुसन्धान भइरहेको छ ।

मिनेसोटामा आक्रमणकारीले चक्कु आक्रमण गर्दा ८ जना घाइते भएका थिए । आक्रमणकारी पनि प्रहरीको गोलीले मारिएका थिए । यो घटनाको जिम्मा आतंकवादी संगठन स्लामिक स्टेटले लिएको छ । एफबीआईले पनि यो घटनाको अनुसन्धान आतंकवादी हमलाका रुपमा गरेको छ । आतंकबादी संगठन आईसीसले हमलामा संलग्न व्यक्ति आफ्ना सिपाही भएको बताएको थियो ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com