चीनमा नर्सरी स्कूलका बालबालिकालाई दुर्व्यवहार गर्ने शिक्षिका पक्राउ

नेपाल डेस्क

---

प्रकाशित मिति : मंसिर १०, २०७४ आईतबार

काठमाडौं, १० मंसिर — बेइजिङ प्रहरीले एक नर्सरी स्कूलमा बालबालिकालाई दुर्व्यवहार गरेको आशंकामा २२ वर्षीया एक शिक्षिकालाई पक्राउ गरेको छ ।

आरवाईबी एजुकेसन इन्कले चलाएको नर्सरीका बालबालिकालाई सुईले घोचिएको, औषधि खुवाइएको र नांगै बनाइएको दाबीमाथि अधिकारीहरूले अनुसन्धान गरिरहेका छन् ।

आरवाईबीले यस विषयमा ‘गहन माफी’ मागेको जानकारी दिएको छ । यस घटनाले चीनमा आक्रोश उत्पन्न गरेको छ । त्यहाँ शिशु स्याहार केन्द्रमा अनेकौं विवादहरू उत्पन्न भइरहन्छन् ।

उक्त मुद्दामा गलत सूचना फैलाउने एक मानिसलाई प्रहरीले पक्राउ गरेको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

आरवाईबी एजुकेसन प्रिस्कूल जाने कम्तीमा आठ बालबालिकालाई अज्ञात वस्तुसहितको इन्जेक्सन घोचिएको पाइएको छ ।

आरवाईबी एजुकेसनले बिहीवार एक विज्ञप्ति जारी गरेर प्रहरीसँग सहकार्य गरिरहेको र कुनै गडबडी भएको पाइएमा ‘जिम्मेवारी लिन नहिचकिचाउने’ बताए ।

आरवाईबी स्कूल चीनको प्रसिद्ध शिशु शिक्षा कम्पनीमा पर्दछ ।

अभिभावकहरूले स्थानीय सञ्चारमाध्यमलाई बताएअनुसार बालबालिकाको शरीरमा सुईले घोचेको निशान देखिएको थियो अनि बालबालिका सुत्नुअघि औषधि खुवाइएको वा सिरप पिउन दिइएको थियो ।

एक पिताले सरकारी टीभी सीसीटीभीलाई बताएअनुसार, उनको बच्चालाई दिनदिनै दिउँसोको खाना खाएपछि दुईवटा सेतो चक्की खान दिएर सुत्न लगाइन्थ्यो ।

यो घटनाले ठूलो खैलाबैला मच्चाएको छ अनि चीनमा शिशु स्याहारको मापदण्डका विषयमा चिन्तालाई फेरि जगाएको छ । चीनमा हालैका वर्षमा बालबालिकामाथिको दुर्व्यवहारका अन्य धेरै घटना भएका छन् ।

BBC Nepali