Follow @khasokhasmag

न्युयोर्कमा भेटिएको र पड्एिको बम ‘प्रेसर कुकर बम’


प्रकाशित मिति : आश्विन ३, २०७३ सोमबार

 

विश्वको ब्यापारिक केन्द्रका रुपमा चर्चित न्युयोर्कमा शनिबार बिष्फोट गराइएको र त्यसलगत्तै फेला पारेर निस्तेज पारिएका दुईवटै बमहरु प्रेसर कुकर बम रहेको पुष्टी भएको छ । सन् २०१३ मा बोस्टन म्याराथनमा बिष्फोट गराइएको बमको प्रकृति र न्युयोर्कमा बिष्फोट गराइएको बमको प्रकृति एउटै रहेको जनाइएको छ ।

प्रेसरकुकरभित्र कोचिएको बिष्फोटकका रुपमा मोबाइल फोन र क्रिसमसका लाइटहरु पनि रहेको अधिकारीहरुले जनाएका छन् ।  म्यानहटनको एभिन्यु अफ अमेरिका र सेभेन्थ एभिन्युको बीचमा २३ औं स्ट्रीटमा शनिबार राती साढे ८ बजेतिर भएको बिष्फोटमा २९ जना घाइते भएका थिए ।
बिष्फोटबाट एउटा भवनका झ्यालका सिसाहरु फुटेका थिए भने भने केही भाग भत्किएको थियो । न्युयोर्कमा भएको बिष्फोटपछि सुरक्षा अधिकारीहरुले राती ११ बजेतिर एभिन्यु अफ अमेरिका र सेभेन्थ एभिन्युकै बीचमा २७ औं स्ट्रीटमा अर्को प्रेसर कुकुर बम फेला पारेका थिए ।

सोमबारदेखि सुरु हुने राष्ट्रसंघ महासभाको पूर्वसन्ध्यामा भएको बिष्फोटले न्युयोर्कबासीहरु आतंकित भएका छन् । यसैबीच अधिकारीहरुले संदिग्ध पाँचजनालाई नियन्त्रणमा लिएर सोधपुछ गरेका छन् । तर कसैबिरुद्ध पनि अभियोग नलगाइएको जनाइएको छ ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com