Follow @khasokhasmag

एमाले माओवादी एकता कसैले रोक्न सक्दैन : केपी ओली


प्रकाशित मिति : मंसिर ७, २०७४ बिहीबार

दाङ, ६ मंसिर ।
नेकपा एमालेका अध्यक्ष केपी शर्मा ओलीले एमाले र माओवादी केन्द्रबीच पार्टी एकता भएरै छोड्ने बताउनुभएको छ ।

बुधबार दाङको घोराहीमा भएको वाम गठबन्धनको चुनावी सभालाई सम्बोधन गर्दै अध्यक्ष ओलीले एमाले र माओवादी केन्द्रबीचको एकतामा शंका नगर्न आग्रह गर्दै चुनावपछि पार्टी हुने बताउनुभयो । उहांले पार्टी एकताको तयारी हुंदै गर्दा चुनाव आएकाले एकताको कामलाई पछि सारिएको समेत स्पष्ट पार्नुभयो । कसैले राम्रोका काम गर्न थाल्दा त्यसको खुट्टा तान्ने र आत्तिने प्रबृति भएको उल्लेख गर्दै उहांले अब आतिएर केही नहुने समेत दावी गर्नुभयो । अध्यक्ष ओलीले चुवानबाट वामपन्थीहरुले दुई तिहाइ वहुमतको सरकार बनाउने र मुलुकमा स्थायी राजनीतिको माध्यमबाट संमृद्धितर्फ लैजाने बताउनुभयो ।

यस्तै, आजै तुलसीपुरमा सम्बोधन गर्दै उहांले आगामी निर्वाचन मुलुकलाई कता लाने भन्ने छ्ट्याउने उल्लेख गर्नुभयो । मुलुकलाई सुशासन र लोकतान्त्रिक मूल्य मान्यतामा लान वाम गठबन्धन बनेको उहांको तर्क थियो ।
आजको वाम गठबन्धनको चुनावी सभालाई एमाओवादी केन्द्रका तर्फबाट माओवादीका नेता रामबहादुर थापा बादलले सम्बोधन गर्नुभएको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com