क्यालिफोनिया आमहत्या पाँचको मृत्यु

नेपाल डेस्क

---

प्रकाशित मिति : कार्तिक २९, २०७४ बुधबार

क्यालिफोनियाको रन्चो तेहामा नामक एक प्राथमिक विद्यालयनजिकै मङ्गलबार भएको आमहत्यामा पाँच व्यक्तिको मृत्यु भएको छ ।

एक बन्दुकधारीले गरेको जथाभावी गोलाबारीमा परी ती व्यक्तिहरुको मृत्यु भएको बताइएको छ । स्थानीय एक टेलिभिजनका अनुसार विद्यालयको नजिकै अचानक ती व्यक्तिले गोली प्रहार गर्न शुरु गरेका थिए । यद्यपि यस घटनाका आक्रमणकारी प्रहरीको कारबाहीमा मारिएका छन् ।

स्थानीय समयानुसार मङ्गलबार बिहान ८ बजे भएको यस घटनामा पाँच व्यक्तिको मृत्यु हुनुका साथै अन्य १० घाइते भएका थिए । घाइते हुनेमा दुई जना बालबालिकासमेत रहेको जनाइएको छ । यस आक्रमणमा मारिएका व्यक्तिमा बालबालिका भने नरहेका जनाइएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

प्रान्तीय राजधानी सक्रामेन्टोबाट करिब १९४ किलोमिटर टाढा रहेको ग्रामीण क्षेत्रमा सो घटना भएको थियो ।

विद्यालयनजिकै भएको यस हत्याको आवाजको प्रहरीले सुनेपछि तत्काल त्यस स्थानमा पुगेको बताइएको छ । सक्रामेन्टो बी समाचारपत्रका अनुसार आक्रमणकारी ४३ वर्षका रहेका थिए ।