ओली र प्रचण्डले आज देउवाको भण्डाफोर गर्ने
प्रकाशित मिति : कार्तिक २९, २०७४ बुधबार
काठमाडौं २९ कात्तिक । नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डले आज संयुक्त रुपमा पत्रकारहरुसंग अन्तरक्रिया गर्ने भएका छन् । प्रेस चौतारी नेपाल र प्रेस सेन्टर नेपालले संयुक्त रुपमा अध्यक्षद्वय ओली र प्रचण्डलाई एक साथ राखेर अन्तरक्रिया गराउन लागेका हुन् ।
अन्तरक्रियामा पछिल्ला दिनमा भएका बामपन्थी उमेदबारहरुमाथिको सांघातिक हमला, सरकारले गरेको आचरसंहिता उल्लंघन र स्वच्छाचारी निर्णयको विरोध गर्ने भएका छन् । प्रचण्ड र ओलीले देउवाले बामपन्थीहरुलाई अनर्गल गाली गर्दै ंिहंडेको भन्दै जमेर भण्डाफोर गर्ने एमाले निर्वाचन परिचालन कमिटिका प्रवक्ता विष्णु रिमालले बताए ।
आजै ओली र प्रचण्डले गोरखा र लमजुंगका ४ वटा चुनावी सभालाई सम्वोधन गरेर काठमाडौं आउनेछन् । ओली र प्रचण्डको अन्तरक्रिया
रोयल ब्यांकेट तीनकुनेमा साँझ पौने ६ बजे हुने बताइएको छ ।