Follow @khasokhasmag

छात्रामाथि यौन दुर्व्यवहार गर्ने शिक्षकलाई कारबाहीको माग


प्रकाशित मिति : कार्तिक २९, २०७४ बुधबार

सिराहा । आफ्नै छात्रालाई यौन दुर्व्यवहार  गर्ने शिक्षकलाई कारबाहीको माग गर्दै सिराहाको चोहवाका स्थानीयले आज चक्का जाम गरेका छन् । घटनालाई मिलापत्र गर्न खोजेको भन्दै स्थानीय युवा, विद्यार्थी तथा अभिभावकले सिराहाको चोहर्वामा चकाजाम गरेका छन् ।

जनता माध्यमिक विद्यालयकी एक छात्राले सोही विद्यालयका शिक्षक हरिनारायण महतोले यौन दुर्व्यवहार  गरेको आरोप लगाएकी छिन् । बालिकाले आइतबार विद्यालयबाट घर फर्केपछि  रुँदै आमालाई शिक्षकले आफ्नो शरिरको विभिन्न भागमा सुमसुम्याएको बताएकी थिइन् । अभिभावकले थाहा पाएपछि विद्यालय व्यवस्थापन समितिमा सोमबार शिक्षक विरुद्ध उजुरी दिएका थिए ।

उजुरीपछि मंगलबार बिहानैदेखि स्थानीय बुद्धिजिवी, जनप्रतिनिधी, विद्यालयका प्रध्यानध्यापक ब्रम्हदेव प्रसाद सिंह, विद्यालय व्यवस्थापन समितिका अध्यक्ष शिवु महतो र इलाका प्रहरी कार्यालय गोलबजारका असई रेमती महतो सहित प्रहरी टोलीको उपस्थितिमा घटना मिलाउन छलफल भइरहेको छ ।

स्थानीयले यौन दुर्व्यवहार गर्ने शिक्षक महतोलाई कार्वाही गर्नुपर्ने भन्दै दबाब दिएकाले छलफल मिल्न नसकेको विद्यालयका प्रअ महतोले बताए ।  स्थानीय जनप्रतिधिधि तथा विभिन्न दलका प्रतिनिधिले शिक्षक महतोलाई विद्यालयबाट अन्यत्र सरुवा गराएर घटना मिलाउने पक्षमा रहेको स्थानीयले आरोप लगाएका छन् ।  घटनापछि आक्रोशित स्थानीय युवा तथा विद्यार्थीले विद्यालयमा ताला लगाएका छन् । जसका कारण विद्यालयको अर्धवार्षिक परीक्षा समेत स्थगित भएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com