बर्दिवासलाई शैक्षिक र गौशालालाई कृषि शहर
प्रकाशित मिति : कार्तिक २५, २०७४ शनिबार
कात्तिक २५ बर्दिवास, विना विभागीय मन्त्री तथा वाम गठबन्धनका प्रतिनिधिसभाका उम्मेदवार गिरिराजमणि पोखरेलले वाम गठबन्धनले पाँच वर्षभित्र नेपालको आधारभूत समस्यालाई समाधान गरेर जनताको मौलिक हकलाई सुरक्षित गर्ने बताएका छन् ।
आज आयोजित गौशाला–१० लक्ष्मीनियाँको चुनावीसभालाई सम्बोधन गर्दैै महोत्तरी क्षेत्र नं १ मा वाम गठबन्धनबाट प्रतिनिधिसभाका उम्मेदवार पोखरेलले बर्दिवासलाई शैक्षिक शहर र गौशालालाई कृषि शहरका रुपमा परिणत गर्ने बताएका छन् । बाटो, बिजुली, खानेपानी सिँचाइजस्ता पूर्वाधारका क्षेत्रमा विकास गरी महोत्तरीलाई देशकै नमुना बनाइने प्रतिबद्धता उनले जनाएका छन् ।