वाम गठबन्धन बाहृय तागतले बनेको खिचडीः सिपी मैनाली
प्रकाशित मिति : कार्तिक २२, २०७४ बुधबार
२२ कात्तिक, काठमाडौ । नेकपा मालेका महासचिव सिपी मैनालीले एमाले-माओवादी गठबन्धनलाई बाहृय शक्तिको तागतले बनेको खिचडी र सत्ता प्राप्तिको प्रपञ्चको संज्ञा दिएका छन् ।
रिपोर्टर्स क्लब नेपालमा बुधबार प्रगतिशिल लोकतान्त्रिक गठबन्धनले आयोजना गरेको पत्रकार सम्मेलनमा बोल्दै महासचिव मैनालीले यस्तो टिप्पणी गरेका हुन् । ”वर्तमान गठबन्धन बाह्य तागतले बनेको छ,यसले मुलुकको हित गर्दैन,’ उनले भने,’यस्तो गठबन्धनको बिरुद्धमा हामीले प्रगतिशील गठबन्धन बनाएका छौँ ।”
सोही कार्यक्रममा नयाँ शक्ति नेपालबाट किसुन राउत, नेपाल तरुण दल पर्सा जिल्ला सदस्य जितेन्द्रकुमार सिंह, राजपा पर्सा जिल्ला सल्लाहकार सत्यनारायण रौनियार, लोकतान्त्रिक फोरम केन्द्रीय सदस्य दीपककुमार लगायतका नेता कार्यकर्ताहरु मालेमा प्रवेश गरेका छन् ।
राजपा नेपालका पर्सा क्षेत्र नम्बर ४ तथा जिल्ला उपाध्यक्ष सन्तोष साहले राजपा आफन्त र पैसामा बिकेको आरोप लगाउँदै प्रगतिशील गठबन्धनमा प्रवेश गरेको बताए ।