Follow @khasokhasmag

डिभीबाट अमेरिका आएका चारजनाको नागरिकता खोसिदै


प्रकाशित मिति : कार्तिक २१, २०७४ मंगलबार

अमेरिकी सरकारले डिभी लोटरीबाट अमेरिका आएका चारजनाको अमेरिकी नागरिकता खोसेर देशनिकाला गर्ने तयारी गरेको छ । अमेरिकी सरकारको डिपार्टमेन्ट अफ जस्टिसले सन् २००१ म डिभी लोटरीमार्फत अमेरिका आएर अमेरिकी नागरिकता लिइसकेका चारजनाको नागरिकता खोस्न सोमबारदेखि प्रकृया सुरु गरेको छ । अमेरिकाको मिनेसोटामा बस्दैमा आएका ४ जना सोमालियनहरुले डिभी लोटरीपछि भिसा आवेदनमा जालसाजी गरेको अमेरिकी सरकारले आरोप लगाएको छ ।

५१ बर्षीया फोसिया आब्दी अदान सन् २००१ म डिभी लोटरी परेर अमेरिका आएकी थिइन् । मिनेसोटाको संघीय अदालतमा सोमबार दायर गरिएको मुद्दामा उनले एकजना व्यक्तिलाई नक्कली श्रीमान् बनाएर अरु दुईजना भाईबहिनीहरुलाई नक्कली छोराछोरी बनाएर अमेरिका ल्याएको सरकारी अभियोग छ । चारैजनाले त्यतीबेला नक्कली नामको प्रयोग गरेको र अहिले सबैले अमेरिकी नागरिकता लिइसकेको सरकारी आरोप छ । अदानले ५४ बर्षीय अहमद मोहम्मदलाई नक्कली श्रीमान् , ३३ बर्षका मुस्ताफ अब्दी अदान र ३१ बर्षका फेसल जामालाई छोराहरु बनाएको जनाइएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com