Follow @khasokhasmag

आइएस आक्रमणमा ७५ जना विस्थापित सिरियालीको मृत्यु


प्रकाशित मिति : कार्तिक २०, २०७४ सोमबार

इश्लामिक स्टेट (आइएस) समूहले विस्थापित सिरियाली रहँदै आएको एक स्थानमा गराएको कार बम विस्फोटमा परी कम्तीमा ७५ जना सिरियाली जनताको मृत्यु भएको सिरियाली मानव अधिकारवादी संस्थाले आइतबार जनाएको छ ।

संस्थाले विस्थापित सिरियाली बसोबास गर्ने क्षेत्रलाई लक्षित गरी आक्रमण गर्न थालेपछि यसतर्फ अन्तर्राष्ट्रिय मानव अधिकारवादी संघसंगठनको चासो बढेको जनाएको छ ।

“शनिबार सिरियाको पूर्वी राज्य देअर एजोरमा आक्रमण गर्दा बालबालिकासहित ७५ जनाको मृत्यु भएको छ भने १४० जना घाइते भएका छन्,” संस्थाका प्रमुख रमी अव्देल रहमानले बताउनुभयो ।

पछिल्लो आक्रमणले सिरिया तथा इराकमा आइएसले ठूलो भूभागबाट आफ्नो नियन्त्रण गुमाएपनि अझै उनीहरूसँग भयानक आक्रमण गर्ने क्षमता रहेको देखिएको छ ।

आक्रमणका समय विस्थापित सिरियालीको भेलामा नयाँ समूह मिसिएको र सोही समयमा आक्रमण पनि भएको रहमानले बताउनुभयो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com