इन्धनको मूल्य वृद्धि फिर्ता
प्रकाशित मिति : कार्तिक १६, २०७४ बिहीबार
नेपाल आयल निगमले बुधबार राति १२ बजेदेखि लागू हुने गरी बढाएको इन्धनको मूल्य वृद्धि फिर्ता गरेको छ । नेपाल आयल निगमका प्रवक्ता वीरेन्द्र गोइतले मूल्यवृद्धि फिर्ता लिएको जानकारी दिए ।
निगमले प्रतिलिटर पेट्रोलमा दुई रुपैयाँ, डिजेल र मट्टितेलमा एक रुपैयाँ ५० पैसा र खाना पकाउने ग्यासमा प्रतिसिलिन्डर २५ रुपैयाँ वृद्धि गरेको थियो । चौतर्फी दबाबपछि निगमले मूल्यवृद्धि फिर्ता लिएको हो ।
अब पेट्रोल प्रतिलिटर ९८ रुपैयाँ, डिजेल र मट्टितेल लिटरको ७४ रुपैयाँ र खाना पकाउने एलपी ग्यासको मूल्य १३ सय २५ रूपैयाँमा नै कायम हुने निगमले जनाएको छ ।
अन्तर्राष्ट्रिय बजारमा तेलको मूल्य बढेपछि भारतीय आयल कर्पोरशेनले तेलको मूल्य बढाएर आयल निगमलाई पठाएको थियो । मूल्य वृद्धि फिर्ता भएपछि निगमलाई १५ दिनमा २२ करोड घाटा बेहोर्नुपर्ने निगमले जनाएको छ ।